Hosea 2:12 - Tedim Bible Revision 2017

¹² Ka pasal it dangte in thamanin hong piak hi, ci-in a gen a leengguite le a theikungte ka susia dinga, gamsate in tuate suksiatsakin gamlakpi a suak ding hi.

Tedim Bible

¹² Ka pasal it dangte in thaman-a hong piak hi, ci-a a gen leengguite leh a theikungte ka susia ding a, gamsate in tuate suksiatsakin gamlakpi suak ding hi.

Hosea 2:12 Referans Kwoze

Isaiah 7:23

“Tua ni ciangin ngun tang tul khat a man leenggui tul khat a omna mun khempeuh pen lingkungte le lingteʼ omna suak ding hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Hosea 13:8

A no a kilaksak vompi bangin note hong su gawpin kong bal gawp ding hi. Humpinelkai bangin hong phualnek pahin, gamsate bangin kong bal kek gawp ding hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Hosea 9:1

Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 8:13

“Topa in kong cih in ah, amaute ka susia khin dinga, a lote uh ah leenggah a om nawn kei ding hi. Thei in zong gah a nei nawn kei ding hi. A tehte nangawn keu dinga, amaute ka piak sa nate a bei ding uh hi.

Isaiah 29:17

Lebanon mual pen singno lo hoih suakin, singno lo hoih pen tulak a suah nading hun tomno sung bek hi lo ahi hiam?

Late 80:12

Tua ahih ciangin, lampi ah a pai mi khempeuh in a gah a lawh theih nadingin, bang hangin nangmah in a daigawl suvang na hi hiam?

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuu hon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Jeremiah 13:26

Kei mahmah in na nik kong hawksak dinga, kong maizumsak ding hi.

Hosea 5:14

Humpinelkaiʼ suk gawp bangin Israel le Judah ka su gawp ding hi. Keimah teekteek in amaute bal gawpin ka paisan ding hi. Amaute ka tal kaih gawp dinga, kuamah in hon zo lo ding hi, a ci hi.