Hosea 14:6 - Tedim Bible Revision 2017

⁶ Amaute meeng thakin oliv kung bangin melhoih ding uh a, Lebanon Mual bangin namtui ding uh hi.

Tedim Bible

⁶ Amaute meeng thakin oliv kung bangin meel hoih ding a, Lebanon Mual bangin namtui ding uh hi.

Hosea 14:6 Referans Kwoze

Late 52:8

Ahih hangin kei ka hih leh Pasianʼ inn sunga a om oliv kung a hing tawh ka kibang hi. Pasianʼ itna kip ka muang ngitnget hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Johan 15:1

Tua ciangin Jesu in, “Kei pen leenggui taktak ka hi a, ka Pa pen leenggui lo nei pa ahi hi.

Mattiu 13:31

Tua ciangin Jesu in thu gentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Jeremiah 11:16

Nidang lai-in Topa in note, a hing dikdek a gah pha oliv kung tawh kong genteh ngei hi. Ahih hangin kong hal dinga, na hiangte uh kangtumin ging huhu ding hi.

Late 128:3

Nangma inn sungah na zi, a gah pha mahmah leenggui tawh kibang dinga, na sabuai kiimah a tu na tate, oliv no dawng hilhhelh tawh kibang ding uh hi.

Piancilna 27:27

Tua ahih ciangin amah a nai ah hong pai-in a pa a nam hi. Amah in a puan gimnamte nam a, amah thupha pia-in, “En in, ka tapaʼ gimnam pen Topa in thupha a piak gamlak gimnam tawh kibang!

Late 92:12

Nisuh kung bangin thuman mi palh a, Lebanon mual tunga om taamtak kung bangin a khang hi.

Isaiah 27:6

Hong tung ding hunah Jakob in zungkha dinga, Israel palhin dawn khia dinga, leitung khempeuh a gah tawh kidimsak ding hi.

Isaiah 35:2

tampi takin palh khia dinga, lungnopna le lasakna tawh lungdam ding hi. Lebanon mual a minthanna, Karmel mual le Sharon mual a minliatna tua leitang in ngah ding hi. Mi khempeuh in Topa’ minthanna, i Pasianʼ liatna mu ding uh hi.

Isaiah 66:14

Hih thu a hong piang na muh uh ciangin na lungdam ding uh hi. Note hong thahatsakin hong cidamsak ding hi. Tua ciangin ka thu hong mangte ka huhna, ka galte tungah ka hehna ka lahna thu na thei ding uh hi, ci hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.