Hosea 13:8 - Tedim Bible Revision 2017

⁸ A no a kilaksak vompi bangin note hong su gawpin kong bal gawp ding hi. Humpinelkai bangin hong phualnek pahin, gamsate bangin kong bal kek gawp ding hi.

Tedim Bible

⁸ A no a kilaksak vompi bangin note hong sugawpin kong balgawp ding hi. Humpinelkai bangin hong phual nek pahin, gamsate bangin kong balthang gawp ding hi.

Hosea 13:8 Referans Kwoze

2 SAMUEL NIHNA 17:8

Tua banah Hushai in, “Na pa le a mite mi thahat hi a, gamlak ah a note a kilaksak vompi bangin amaute a hehna na thei hi. Tua banah na pa galdona lamsang a siam hi a, mite tawh zanin amah om khawm lo ding hi.

Jeremiah 12:9

Ka mite pen, sasial ne vasa gial khat, sasial ne vasa dangte in a kimkot panin a tuk huan nainai uh tawh a kibang uh hi. Gamsate aw, hong kikhawm unla, pawi hong siim un.

Isaiah 56:9

Lo sungah a om ganhing khempeuhte, gamlak ah a om ganhing khempeuhte aw, a ne tum dingin hong pai un.

Isaiah 5:29

Amauteʼ kikona pen humpinelkai hawk bang a, humpinelkai khanglaite bangin amaute a hawk uh hi. Amaute humhamin a sa nek ding uh man uh a, amaute in pua khia-in kuamah in hon khia zo lo hi.

Paunak 17:12

Mihaite a hai gamtatna uh i tuah khak sangin a no a kilaksak vompi hang khat tuak lehang hoih zaw lai hi.

Late 80:13

Gamlak a om ngal in susia gawp a, zang sung sa khempeuh in kivakna-in nei uh hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Jeremiah 25:38

Topaʼ namsau hang ahi a, a lauhuai ama hehna hang ahi zongin, amauʼ gam pen gam simtham suak khin ahih manin humpinelkai in a kua a nusiat bangin Topa in a mite nusia zo hi,” a ci hi.

Hosea 2:12

Ka pasal it dangte in thamanin hong piak hi, ci-in a gen a leengguite le a theikungte ka susia dinga, gamsate in tuate suksiatsakin gamlakpi a suak ding hi.

Hosea 5:14

Humpinelkaiʼ suk gawp bangin Israel le Judah ka su gawp ding hi. Keimah teekteek in amaute bal gawpin ka paisan ding hi. Amaute ka tal kaih gawp dinga, kuamah in hon zo lo ding hi, a ci hi.