Hosea 13:4 - Tedim Bible Revision 2017

⁴ Kei pen Egypt gam panin note a hong paikhiatpih noteʼ Topa Pasian ka hi hi. Tua hun lai-in kei sim loh Pasian dang na thei kei uh a, note a hong hon khia pa kei bek ka hi hi.

Tedim Bible

⁴ Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.

Hosea 13:4 Referans Kwoze

Hosea 12:9

Egypt gamah na om lai pek uh a kipanin kei pen noteʼ Topa Pasian ka hi a, ahi zongin tu-in tanglai hun bangin puanbuk sungah note kong teengsakkik ding hi.

Isaiah 43:3

Bang hang hiam cih leh kei pen Topa na Pasian, Israel-teʼ Siangtho Pa, nangmah hong honpa ka hi hi. Nangmah tat nadingin Egypt ka pia a, nangmah khek nadingin Ethiopia le Seba ka pia hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

2 KUMPI NIHNATE 18:35

Topa in ka khut sung panin Jerusalem a hotkhiat nadingin, gam sungah pasian-te khempeuh lakah kua in keima khut sung panin a gam uh hon khia zo ngei ahi hiam?’ ci hi,” a ci hi.

Hosea 2:15

Tua lai panin a leenggui lote ka piakik dinga, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungak no hun lai mah bangin ka thugennate hong ngai ding hi.

Hosea 2:20

Kei-aʼ ahi tawntung dingin nang kong la ding hi. Tua ciangin Topa ka hih lamtak nong thei ding hi.

Hosea 11:1

Israel a neu lai-in ka it mahmah a, Egypt gam panin ka tapa ka sam khia hi.

Hosea 12:10

Kamsangte tungah thu ka gen hi. Maangmuhna a banbanin pia-in, kamsangte tungah thu gentehna tawh thu a gen pa zong keimah ka hi hi.

Jonah 2:10

Tua ciangin Topa in tua ngapi sawl a, amah in lei keu tungah Jonah a lua khia hi.