Hosea 13:16 - Tedim Bible Revision 2017

¹⁶ Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Tedim Bible

¹⁶ Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Hosea 13:16 Referans Kwoze

2 KUMPI NIHNATE 15:16

Tua hun laitakin Menahem in Tappuah le a sunga teeng khempeuh le Tirzah pan a kipan a gam sungteng a luh hi. Bang hang hiam cih leh amaute in ama adingin a kongpite uh hong lo uh hi. Tua ahih ciangin amah in luhin, a sunga om numei naupaii khempeuh a phel kham hi.

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amauʼ mun muanhuaite mei tawh na hal dinga, namsau tawh amauʼ tangvalte thatin, amauʼ naupang neute lei na den khap nadinga, naupaii amauʼ numeite na phel kham ding hi,” a ci hi.

Isaiah 13:16

Amauʼ muhna mahah a naungekte uh leilak kiden gawp nading hi. Amauteʼ inn kiluhin, a zite uh kibuansak ding hi.

Amos 1:13

Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.

Nahum 3:10

Tua bang hi napi-in, Thebes khua mite kipua khia-in sal a suak uh hi. Kong lak mun citeng ah a tate uh kisatlum hi. A mi liante, sikkol kibulhin kipua khia a, amau a man a galte un amaute a hawm uh hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Micah 1:4

Meikhuk sungah khuainun a kikoih bangin ama khe nuai ah mual liante tui suak dinga, mual tung panin tui a luang suk bangin, guam sungah tua mualte luang suk ding hi.

Amos 9:1

Biakna tau gei ah Topa a ding ka mu a, hih bangin thu hong pia hi: “Biakinn bulpi khempeuh a kilin theih nadingin biakinn khuampi luzang nakpi takin sat gawp in. Tuate satkham inla, miteʼ luzang tusak in. Tua lai panin a suakta teng gal sungah ka sisak ding hi. A tai khia, a suakta, kuamah om lo ding hi.

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Hosea 11:6

Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thu hoih lo zui kha uh ahih manin gal in susia mang ding hi.

Hosea 10:2

A lungsim uh man lo ahih manin tu-in a mawhna uh thuak ding uh hi. Topa Pasian in amauʼ biakna taute suzanin, a biakna songte uh suksiatsak ding hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Isaiah 17:3

Efraim gam panin kulhpi bei-in, Damaskas khua panin kumpi gam mangthang ding hi. Syria mi a suakta laite pen Israel mite mah bangin mindai ding uh hi, Vanglian Topa in ci hi.

Isaiah 8:4

Bang hang hiam cih leh naungek in, ‘Nu aw, pa aw,’ a cih theih ma-in Damaskas khuaʼ hauhna le Samaria khua sunga a om a kisut vante, Assiria kumpipa in la-in masuan ding hi,” hong ci hi.

2 KUMPI NIHNATE 17:18

Tua ahih ciangin Israel mite tungah Topa heh a, ama muhna panin amaute hem khia hi. Kuamah dang om nawn loin Judah gam mi bek om lai hi.

2 KUMPI NIHNATE 17:6

Hosheaʼ kum kuana kumin Assiria kumpipa in Samaria la a, amah in Assiria ah Israel mite ciah pihin Halah gam sung, Gozan gam a om Habor gun gei le Media khuapite sungah amaute a koih hi.

2 KUMPI NIHNATE 17:5

Tua ciangin Assiria kumpipa in gam sung khempeuh simin Samaria ciang dong tunga, amah in kum thum sung umcih hi.