Hosea 13:15 - Tedim Bible Revision 2017

¹⁵ Israel mite kiak bangin a pung ahi zongin sehnel gam panin nisuahna huih sa mahmah ka nungsak dinga, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leen mang ding hi.

Tedim Bible

¹⁵ Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh leh a tuinakte uh a kangsak ding hi. Tua huih in a manpha nate leh deih theih peuhmah leen’ mang ding hi.

Hosea 13:15 Referans Kwoze

Ezekiel 19:12

Ahi zongin hehna tawh leenggui kizung bawh a, leilak kidenna hi. Nisuahna huihpi hong nung a, a gah teeng keu tumsak hi. A hiangte kikuai tan a, keu-in kihal tum hi.

Ezekiel 17:10

Hih leenggui pen a kisuan hi mah hi. Ahi zongin hingin khang zo ding ahi hiam? Nisuahna huihpi in a mutkhiat ciangin keutum ding hi lo ahi hiam? Tua a kisuanna munah keutum lel ding hi lo ahi hiam?” a hong ci hi.

Jeremiah 4:11

Tua hun ciangin hih mite le Jerusalem khua mite kiangah, “A sa mahmah huih, sehnel gam a sang mun panin ka mite tungah hong nung dinga, tua huih pen anvaite a zapsiang dingin a nung huih bang hi lo hi.

Piancilna 49:22

“Josef, a gah pha hiang ahi hi. Ciktui gei-a om a gah pha hiang hi a, a hiangte kulh tungah zaam hi.

Piancilna 41:52

A nihna pen amah in Efraim a phuak hi. “Ka thuakna gam sungah kei a pungin hong bawl hi,” ci hi.

Nahum 2:9

Ngunte la un! Khamte la un! Khua sungah sum manpha bei cih om thei lo a, van manpha zong bei cih om thei lo hi.

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.

Hosea 9:11

Israel-teʼ minliatna teng vasa bangin leeng mang dinga, amauʼ sung panin ta suak nawn loin, nupi gai, naupaii cih zong om nawn lo ding hi.

Hosea 4:19

Huihpi nung in a mutkhiat bangin amaute a phiat khia mang ding lungsim a nei uh hi. Amauʼ biak pasian-te in amaute huh lo ding hi.

Daniel 11:8

Amah in amauteʼ milim pasian-te le a na manpha ngun le khamte Egypt gamah a pua ding hi. Kum tawmvei sung bek kilemna a om ding hi.

Jeremiah 51:36

“Tua ahih manin Topa in kong cih in ah: En un, na thu uh ka hong sepsak dinga, note adingin ka hong thuksak ding hi. A bual ka keusak dinga, a ciktui ka kangsak ding hi.

Jeremiah 20:5

Tua tham loin khuapi sunga hauhna khempeuh, a na sep sa uh khempeuh, a neih a lam a thupi teng khempeuh uh le Judah kumpiteʼ sumlepai khempeuhte a galteʼ khut sungah ka pia dinga, amaute in sutin, manin, Babylon khua ah a paipih ding uh hi.

Isaiah 41:16

Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.

Isaiah 17:13

Tui lianpi a ging bangin minamte awng uh hi. Ahih hangin amah in amaute tai dinga, gamlapi pekah amaute tai khia ding uh hi. Mual tung a huih mai ah ansi leeng bang leh huihpi mai-a pingpei bangin leeng khia mang ding uh hi.

Isaiah 14:21

Amaute khangto loin leitung a neih loh nading le leitung maitang teng khuapite tawh a kidimsak loh nadingin amauʼ pateʼ mawhna hangin a tateʼ kithah nading piang tahen,” na ci ding uh hi.

Late 109:13

Ama suanlekhakte bei henla, khang khat sungin a vangliatna maimang tahen.

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

JOB (Job) 18:16

Lei sunga ama zungte keu-in, a tunga a hiangte a si ta hi.

Thu-hilhkikna 33:17

A tacil, bawngtal bangin thahat a, a kite, gamsial kite tawh kibang hi. Amah in tuate tawh mite nawt dinga, leimong dongah amaute khempeuh phul ding hi. Efraim mi tul sawmte tua bang hi a, Manasseh minam tul tampite zong tua bangmah ahi hi,” a ci hi.

Piancilna 48:19

Ahih hangin a pa in nial a, “Ka thei hi, ka ta aw; ka thei hi. Amah zong mi khat suak dinga, amah zong lian ding hi. Ahi zongin amah sangin a naupa lian zaw dinga, a suanlekhakte, minam lianpi khat suak ding hi,” a ci hi.

Piancilna 41:6

Tuateʼ khit ciangin nisuahna huih in a theemsak a hawm vui sagih hong po khia hi.

Isaiah 27:8

A kithukkim dingin amaute sal suahsakna tawh gim a pia hi. Nisuahna huihpi in a mutkhiat bangin amaute a khiin khia hi.

Jeremiah 4:12

Ka sawl huih pen tua bang dingin hat lua ding hi. Tu-in Topa in amaute tungah thu khenin a gen hi,” kici ding hi.

Jeremiah 51:1

Topa in a cih in ah: “En un, Babylon khuapi le Khaldea mite a susia dingin keimah in huih ka nungsak ding hi.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a om mah bangin, a puan teng hawk khiatsakin a guaktangin ka omsak dinga, a keu, bangmah a po zawh lohna gamlak bangin ka bawl dinga, dangtakin a si ding hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonahʼ luzang kap suk veva ahih manin a gim mahmah hi. Tua ciangin amah in, “Ka nuntak sangin si leng kei adingin hoih zaw hi,” ci-in a sih nading thu a ngen hi.

Piancilna 41:23

Tuateʼ khit ciangin nisuahna huihpi in a keusak a hawm, a theem vui sagih hong po a,