Hosea 13:11 - Tedim Bible Revision 2017

¹¹ Na kumpi dingte uh kong ngawh piak a, ka hehluatna hangin amaute ka la khiakik khin hi.

Tedim Bible

¹¹ Na kumpi dangte uh kong ngawh piak a, ka hehluatna hangin tuate ka la khia kik khin hi.

Hosea 13:11 Referans Kwoze

1 SAMUEL MASA 10:19

Ahih hangin note in na tuahsiatnate uh le na lungkhamnate uh panin note a hong hon khia na Pasian uh tu ni-in na nial uh a, note in, ‘Koteʼ tungah kumpi khat koih in,’ na ci uh hi. Tua ahih ciangin tu-in na minam nam uh le a tultulin Topaʼ mai ah kilak un,” a ci hi.

Hosea 10:3

A sawt loin hih mite in, “Topa kihta lo ihih manin kumpi i nei kei hi. Kumpi khat lel in eite ading bang hong hihsak thei ding ahi hiam?” ci ding uh hi.

Paunak 28:2

Gam sung mite a hoih loh ciangin a banbanin gam uk kumpi tampi nei uh a, ahi zongin mipil thungaihsun theite in gam sung thahatsakin kipsak uh hi.

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolh khitna mu napi-in Saulʼ hangin bang tanvei dah ding na hi hiam? Na sathau biing ah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-aʼ ding kumpi khat ka la khin hi,” a ci hi.

1 SAMUEL MASA 12:13

“Tu-in noteʼ teel sa, noteʼ nget kumpipa en un; Topa in noteʼ tungah kumpi khat koih khinta hi.

Hosea 10:7

Tui tunga tuiphuan laam bangin a kumpite uh maimang ding hi.

1 SAMUEL MASA 10:17

Tu-in Samuel in Mizpah a Topaʼ kiangah mite khawm hi.

1 SAMUEL MASA 15:26

Tua ciangin Samuel in Saul kiangah, “Nang tawh kong kilehkik kei ding hi; bang hang hiam cih leh nangmah in Topaʼ thu na nial khin a, Israel-teʼ tungah kumpi hihna panin Topa in nang hong nolh khin hi,” a ci hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Hosea 8:4

Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

1 SAMUEL MASA 12:1

Tua ciangin Samuel in Israel-te khempeuh tungah, “En un, note in keima kiangah nong gen uh thu khempeuh ka hong mang a, note tungah kumpi khat ka koih khin hi.