Hosea 13:10 - Tedim Bible Revision 2017

¹⁰ Na kumpi ding uh le na makai dingte uh nong ngen uh hi. Tu-in note hong hon dingin na hong nget uh na kumpipa uh koi ah om a, note hong hu ding na makaite uh koi lai tung khin ahi hiam?

Tedim Bible

¹⁰ Na kumpi ding uh leh na makai dingte uh nong ngen uh hi. Tu-in note hong hon dingin na hong nget uh na kumpipa uh koi-ah om a, note hong huh ding na makaite uh koi lai tung khin ahi uh hiam?

Hosea 13:10 Referans Kwoze

Hosea 8:4

Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

Hosea 10:3

A sawt loin hih mite in, “Topa kihta lo ihih manin kumpi i nei kei hi. Kumpi khat lel in eite ading bang hong hihsak thei ding ahi hiam?” ci ding uh hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Zekhariah 14:9

Tua ciangin Topa pen leitung khempeuhʼ kumpi suak dinga, mi khempeuh in amah bek thei-in bia ding uh hi.

Hosea 13:4

Kei pen Egypt gam panin note a hong paikhiatpih noteʼ Topa Pasian ka hi hi. Tua hun lai-in kei sim loh Pasian dang na thei kei uh a, note a hong hon khia pa kei bek ka hi hi.

Jeremiah 8:19

Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.

Jeremiah 2:28

“Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Isaiah 43:15

Kei pen Topa, noteʼ Siangtho Pa, Israel a Piangsak pa, noteʼ Kumpi ka hi hi,” ci hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Late 149:2

Amah a Bawlpa tungah Israel lungdam henla, amauʼ Kumpipaʼ tungah Zion mite kipak tahen.

Late 89:18

Kote a hong hu Topa hi a, Israel-teʼ Siangtho Pasian nangmah in ka kumpipa uh nong pia hi.

Late 74:12

Ahi zongin Pasian pen tanglai pek a kipanin kumpi hi tawntung a, hih leitungah a hong hon khia zelzel ngei ka Kumpi ahi hi.

Late 44:4

Nang pen Jakob adingin gualzawhna a sehkhol, keima Kumpipa le keima Pasian na hi hi.

Late 10:16

Topa, a tawntungin kumpi hi a, ama leitang panin minam dangte bei mang ding hi.

2 KUMPI NIHNATE 17:4

Ahih hangin Assiria kumpipa in Hoshea a zuautatna mu hi; bang hang hiam cih leh amah in Egypt kumpipa So kiangah kamtaite sawlsim a, a kumkumin ahih ngeisa bangin Assiria kumpipa tungah siah pia nawn lo hi. Tua ahih ciangin Assiria kumpipa in amah man a, thong sungah koihin a hencip hi.

1 KUMPI MASATE 12:20

Jeroboam hong ciahkik khitna thu Israel-te khempeuh in a zak uh ciangin amaute in mi sawlin kikhopna ah amah samsak uh a, Israel-te khempeuh tungah kumpi-in amah a bawl uh hi. Davidʼ suante a zui kuamah dang om lo a, Judah minam bek in a zui uh hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Hosea 7:7

A hehluatna uh tawh amau a ukte a that lum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Kah la 4:20

Amaute in galteʼ khut sung panin a hong huh zo dingin ka up uh, Pasianʼ teel a muanhuai kumpi a hong matsak uh hi.