Hosea 13:1 - Tedim Bible Revision 2017

¹ Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.

Tedim Bible

¹ Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

Hosea 13:1 Referans Kwoze

Hosea 11:2

Amaute kilim sap semsem leh ka maitang pan gamla pai semsem hi. Ka mite in Baal tungah biakna pia uh a, milim biakna-in paknamtui a hal uh hi.

Luka 14:11

Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.

Paunak 18:12

A kiniamkhiatte in zahtakna ngah uh a, a kihisakte pen siat ding a manawh hi ta hi.

1 KUMPI MASATE 12:25

Tua ciangin Jeroboam in Efraim mual tung gam sungah Shekhem khua phutin tua lai ah tawl khat sung a teeng hi. Tua ciangin amah pai khia-in Penuel a puah hi.

1 SAMUEL MASA 15:17

Tua ciangin Samuel in, “Nang na kineu ngaihsut hun a om hangin, tu-in nang pen Israel minamteʼ lutang hi lo na hi hiam? Topa in Israel-te tungah kumpi-in nang sathau hong nilh hi.

Thukhente 12:1

Efraim mite galhiam tawi dingin kisam uh a, amaute Zafon gun kantanin gal kah uh a, Jefthah kiangah, “Bang hangin Ammon mite a sim dingin gal kahin, nang tawh a kuan khawm dingin kote hong zawn lo na hi hiam? Na inn tawh nang kong halnelh ding uh hi,” a ci uh hi.

Thukhente 8:1

Tua ciangin Efraim mite in Gideon kiangah, “Midian-te a do dingin na kuan cil lai-in kote nong sap loh, kote hong bangci ngaihsut na hi hiam?” a ci uh hi. Amaute in nakpi takin amah mawhsak uh hi.

Joshua 3:7

Tua ciangin Topa in Joshua kiangah, “Moses tawh ka omkhop bangin nang tawh kong omkhop nading thu amaute in a theih nadingun Israel mite khempeuh muhna ah tu ni-in nang liatsak ding ka kipan ding hi.

Gamlak-vakna 13:16

Hihte pen gam vaan dingin Moses in a sawl miteʼ min ahi hi. Moses in Nunʼ tapa Hoshea pen Joshua ci-in a min kheelsak hi.

Gamlak-vakna 10:22

A zomah Efraim miteʼ giahphual dialkhai a neite a pawlpawlin ding khia uh hi. Tua mihonte, Ammihudʼ tapa Elishama in uk hi.

Piancilna 2:17

Ahih hangin a pha le a sia theihna singkung gah pen na ne kei ding hi. Bang hang hiam cih leh tua na nek ni-in na si ding hi,” a ci hi.

2 KORIN NIHNA 5:14

Mi khempeuh adingin mi khat si khin ahih manin mi khempeuh zong a ngeina lui uh ah si khinta hi, ci-in ka theihna hangun tua Khrisʼ itna in koteʼ nuntakna hong uk hi.

ROM (Romans) 5:12

Mi khat hangin leitungah mawhna hong om a, tua mawhna hangin sihna hong piang hi. Mi khempeuh mawh uh ahih manin tu-a bangzia-in mi khempeuh tungah sihna hong tung hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

JOB (Job) 29:21

Mite in ka thugen ngai-in hong ngak dimdem uh a, kuamah pau het loin limtakin hong ngai uh hi.

JOB (Job) 29:22

Thu ka gen khit ciangin a gen thuah ding uh bangmah thei nawn lo uh a, ka thugente khempeuh hoihtakin na sang pah uh hi.

Hosea 2:8

Ama tungah an, leenggahzu le oliv thau ka piakna le Baal pasian biak nadingin a zat ngun le kham tampi tak a pia pa ka hih lam hong phawk kha lo hi.

Hosea 8:4

Amaute in kei hong dong loin kumpi ding vaihawm uh a, keiʼ theih pih lohin ulian koih uh hi. A ngun a khamte uh tawh amauʼ siat nading milim a bawl uh hi.

Isaiah 7:8

Bang hang hiam cih leh Syriaʼ lutang, Damaskas khuapi hi a, Damaskasʼ lutang, Rezin ahi hi. (Kum sawm guk le kum nga sungin minam ahi zo nawn lo zah dongin Efraim kitamzan gawp ding hi.)

Hosea 2:10

Tua ciangin ama it pasal dangteʼ muhna ah a puante hawk khiatsakin a guaktangin ka omsak dinga, kuamah in keiʼ khut sung panin hon khia zo lo ding hi.