Hosea 12:9 - Tedim Bible Revision 2017

⁹ Egypt gamah na om lai pek uh a kipanin kei pen noteʼ Topa Pasian ka hi a, ahi zongin tu-in tanglai hun bangin puanbuk sungah note kong teengsakkik ding hi.

Tedim Bible

⁹ Izipt-te gamah na om lai pek uh-a kipanin keimah in note’ Topa Pasian ka hi a, ahi zongin tu-in tanglai hun bangin puanbuk sungah note kong tengsak kik ding hi.

Hosea 12:9 Referans Kwoze

Hosea 13:4

Kei pen Egypt gam panin note a hong paikhiatpih noteʼ Topa Pasian ka hi hi. Tua hun lai-in kei sim loh Pasian dang na thei kei uh a, note a hong hon khia pa kei bek ka hi hi.

2 SAMUEL NIHNA 7:2

kumpipa in kamsang Nathan kiangah, “Tu-in thei in; keimah taamtak inn hoih sungah ka om a, ahih hangin Pasianʼ Thuciamna Singkuang puanbuk sungah om lai hi,” a ci hi.

Johan 7:2

Jew miteʼ Buk Pawi hun hong nai ta ahih manin,

Jeremiah 35:7

Inn na lam kei ding uh a, khai na tuh kei ding uh hi. Singno na suan kei ding uh a, leenggah lo na bawl kei ding uh hi. Ahih hangin na ten pakna uh gam sungah sawt veipi na ten theih nadingun na nuntak hun sungteng uh puanbuk sungah na teeng ding uh hi,’ hong ci hi.

Late 81:10

Egypt gam panin note a hong la khia, Topa na Pasian uh ka hi hi. Na kam uh a golin ka un, keimah in kong dimsak ding hi.

Ezra 3:4

Tua ciangin amaute in a kikipsak sa bangin buk pawi bawl uh a, nisimin zat dingin a kiseh sa zah bangin meihal biakna nisimin a pia uh hi.

Gamlak-vakna 15:41

Kei pen, noteʼ Pasian ahi dingin Egypt panin note a hong paikhiatpih Topa na Pasian uh ka hi hi; kei pen Topa na Pasian uh ka hi hi,” a ci hi.

Siampi Laibu 26:13

Note pen amauʼ sila na hih loh nadingun Egypt gam panin note a hong paikhiatpih Topa na Pasian uh ka hi hi. Keimah in noteʼ gimna hakkolte kuaitanin note a ding tangin kong paisak hi.

Siampi Laibu 19:36

Note in tawi khaina man, tawisuang man, seu man, bung man, na zang ding uh hi. Kei pen Egypt gam panin a hong pai khiatpih Topa na Pasian uh ka hi hi.

Paikhiatna 20:2

“Kei pen salsuahna Egypt gam panin note a hong paikhiatpih Topa na Pasian uh ka hi hi.

Piancilna 25:27

Tua naupangte a khan ciangin, Esau pen gam sung mi sabet siam khat hi a, Jakob ahihleh inn ah om hithiatin a cingkam khat ahi hi.

Micah 6:4

Bang hang hiam cih leh Egypt gam panin note kong paikhiatpih a, salsuahna panin ka hong hon khia hi. Note a hong makai dingin Moses, Aaron le Miriam ka hong sawl hi.

Hosea 2:15

Tua lai panin a leenggui lote ka piakik dinga, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungak no hun lai mah bangin ka thugennate hong ngai ding hi.

Hosea 11:1

Israel a neu lai-in ka it mahmah a, Egypt gam panin ka tapa ka sam khia hi.

Late 49:7

amah le amah a kitan khia tawm zo taktak, a nuntakna man ding Pasianʼ tungah a pia zo mi kuamah om lo hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

Jeremiah 5:27

Bawm sung dimin vasa a kikhum bangin khemna tawh a ngah uh vante tawh a inn uh a dim hi. Tua ahih manin amaute lianin hau mahmah uh a, thau-in a mai uh a zol hi.

Zekhariah 11:5

Tuu neite in a tuute go uh a, ahi zongin amaute gim kipia lo hi. Amaute in a tuu sa zuak uh a, ‘Topa in thupha ngah tahen. Tu-in i hau ta hi,’ ci uh hi. A tuucingte mahmah in a tuute uh hehpihna nei lo uh hi.