Hosea 12:7 - Tedim Bible Revision 2017

⁷ Sumbukte in tawitehna man lo zang uh a, amaute in mi khem ding nuam a sa uh hi.

Tedim Bible

⁷ Sumbukte in tawi tehna man lo zang uh a, amaute in mi khem ding nuam a sa uh hi.

Hosea 12:7 Referans Kwoze

Paunak 11:1

Tawikhaina man lo a zangte Topa in mudah a, tawikhaina man a zangte tungah Topa lungkim hi.

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Johan 2:16

Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Paʼ inn pen sumzuakna inn phualpi-in nei kei un,” a ci hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Zekhariah 14:21

Jerusalem khua sung le Judah gam sungah a om beelte khempeuh, Vanglian Topa biakna-in zat dingin a tuamin kikoih ding hi. Biakna a pia dingin a hong pai mi khempeuh in tua beelte zangin, biakna sa huanna-in a nei ding uh hi. Tua ni hong tun ciangin Vanglian Topaʼ biakinn ah sum zuak van zuak cihte om nawn lo ding hi.

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Amos 2:7

Amaute in mizawngteʼ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Ezekiel 22:29

Mi cithei a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ututun gamta uh hi.

Ezekiel 16:3

Topa Pasian in Jerusalem tungah ka gen hih thute gen in: Jerusalem aw, nang pen Kanaan gam panin a piang na hi hi. Na pa pen Amor mite hi a, na nu pen Hit mite ahi hi.

Isaiah 3:5

Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.

Paunak 16:11

A man tawikhaina le tawi tehnate Topa aʼ hi a, a tawisuang khempeuh ama bawl sa ahi hi.

1 SAMUEL MASA 12:3

Hih lai ah ka om hi; ka mawhna a om leh Topaʼ mai le a sathau nilh paʼ mai ah ka mawhna hong pulak un. Kuaʼ bawngtal ka laksak hiam? Ahih kei leh kuaʼ la ka laksak hiam? Ahih kei leh kua khem ka hi hiam? Kua nengniam ka hi hiam? Ahih kei leh keima mit a tawsak dingin kuaʼ tung panin sumgolh la ngei ka hi hiam? Ka mawhna nong lah theih uh leh kong dinkik ding hi,” a ci hi.

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hih theih ding hun a ngah phetun, a ngaihsut sa uh gitlohna a sem khia uh hi.

Ezekiel 28:5

Sum bawl na siamna tawh na hauhna na behlap a, na hauhna na kisaktheih pih hi.

Zekhariah 5:8

Tua ciangin vantungmi in, “Hih numei pen gitlohna lim ahi hi,” hong ci hi. Tua ciangin vantungmi in ciangpi sungah tua numei hen sukkik a, a siin tawh tua ciangpi a siinkik hi.

Piancilna 49:18

“Nong hotkhiat ding ka ngak hi, Topa.

Isaiah 56:1

Topa in hih bangin ci hi: “A sawt loin note ka hong hon khia dinga, hong khah khia ding ka hih manin thutang thumanin gamta un.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Joel 2:12

Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.

Zekhariah 7:9

“Note in thu a tangin khenin, khatlekhat tungah itna le hehpihna kilakin,