Hosea 12:6 - Tedim Bible Revision 2017

⁶ Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Tedim Bible

⁶ Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Hosea 12:6 Referans Kwoze

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Zekhariah 7:9

“Note in thu a tangin khenin, khatlekhat tungah itna le hehpihna kilakin,

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Zekhariah 8:16

Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.

Zekhariah 1:3

Ahi zongin tu-in kei kiangah hong ciahkik le-uhcin, kei zong note kiangah kong paikik ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Habakkuk 2:3

Hih thu a tun nading hun hi pah nai lo ahih manin lai-in ciamteh in. Ahi zongin hong tung baih ta dinga, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin ciangin hong tung takpi dinga, zekai lua nawn lo ding hi.

Amos 5:24

Thutang, tui bangin luang khiasak unla, thuman, a kang ngei lo tui bangin luangsak un.

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Noteʼ Topa keima lamah nong kihei ding uh a hun hi ta ahih manin lo thak lei kal kham un. Tua hileh kei hong pai-in note tungah thupha kong pia ding hi, ka ci hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 22:15

Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Isaiah 58:6

Keiʼ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khah khia-in thuman lohna hakkol khempeuh suk tan ding ahi hi.

Isaiah 40:31

Ahih hangin Topa a muang mite a tha uh dimkik dinga, muvanlai bangin kha tawh leeng to-in, amaute tai napi-un tawl lo ding uh a, amaute lam pai napi-un gim lo ding uh hi.

Isaiah 31:6

Israel mite aw, nakpi takin na do pa uhʼ lamah kiheikik un.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Isaiah 8:17

Jakobʼ innkuanteʼ kiang panin a maitang a seel Topa ngakin amah ka muang ding hi.

Isaiah 1:16

Note kisil tawm unla, a siangtho-in kibawl un. Keima muhna ah na gamtat siatnate uh pai khia-in, siatna na bawlte uh khawl un.

Paunak 21:3

Topa in biakpiakna sangin thuman thutang deih zaw hi.

Paunak 1:23

Kong thuhilhna hong ngai un; ka ngaihsutna kong gen dinga, ka theihna kong zasak ding hi.

Late 123:2

Nasem pasalte in a topa uh muang a, nasem numeite in a tonu uh a muan mah bangin ko tungah hehpihna nong neih matengin Topa koteʼ Pasian kong mitsuan uh hi.

Late 37:7

Topaʼ mai ah khawl dide inla, lungduai takin ngak in. Ahihna a daupai pa tung le siatna a bawlpa tungah kilung so tawmsak keʼn!

Late 27:14

Topa muang in. Thakhauh inla, na lungsim hangsakin, Topa muang in.

Piancilna 49:18

“Nong hotkhiat ding ka ngak hi, Topa.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatna sa bang ciat un thu kong khen ding hi. Kisikkikin na gamtat siatna khempeuh panun khawl unla, na mawhna hangun kisisak kei un.

Joel 2:12

Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.

Paikhiatna 3:15

Pasian in Moses kiangah, Hih thu Israel mite tungah gen in: ‘Topa, na pate uhʼ Pasian, Abrahamʼ Pasian, Isaacʼ Pasian le Jakobʼ Pasian in note kiangah kei hong sawl hi,’ ci in. Hih pen keima min hi tawntung ahih manin kei pen khang tawntungin phawk ding ka hi hi.

Amos 4:13

Bang hang hiam cih leh mualte bawlin huihte a piangsak pa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpaʼ min, Topa, Vanglian Pasian ahi hi.