Hosea 12:4 - Tedim Bible Revision 2017

⁴ Vantungmi tawh kilaii-in a zo hi. Tua ciangin Jakob zong kapin ama tung panin hehpihna a ngen hi. Pasian in Bethel munah amah mu-in a hopih hi.

Tedim Bible

⁴ Vantungmi tawh kilai-in lel hi. Tua ciangin Jakob zong kapin ama tung panin hehpihna ngen hi. Pasian in Bethel munah amah mu-in hopih hi.

Hosea 12:4 Referans Kwoze

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Piancilna 35:15

Tua ahih ciangin Jakob in, Pasian in amah a hopihna mun, a min Bethel, a ci hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

1 THESALONIKA MASA 4:17

Tua ciangin tua hun laitakin a nungta lai eite pen vankim lai ah Topa a dawn dingin amah a um a si sa mite tawh hong kilakhawm dinga, Topa tawh i om khawm tawntung ding hi, cihna ahi hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Late 66:6

Amah in tuipi tui pen lei keu suaksak a, i pu i pate in a khe uh tawh tua tuipi na kantan uh hi. Tua bangin ama nasepna hangin eite i lungdam hi.

Piancilna 48:15

Amah in Josef thupha pia-in, “Ka pate Abraham le Isaac in a na a sep Pasian, tu ni dongin ka nuntak tawntung ah lam hong pi Pasian,

Piancilna 32:29

Tua ciangin Jakob in amah dongin, “Na min hong gen in, hong thum ing,” a ci hi. Ahih hangin amah in, “Bang hanga ka min hong dong na hi hiam?” a ci hi. Tua lai ah amah in Jakob thupha a pia hi.

Piancilna 32:24

Jakob amah guak bek om lai a, zingsang khuavak dong mi khat in amah a laii hi.

Piancilna 32:26

Tua ciangin amah in, “Khua vak ta ahih ciangin hong khah in,” a ci hi. Ahih hangin Jakob in, “Kei, thupha nong piak kei leh kong khah kei ding hi,” a ci hi.

Piancilna 25:26

Tua khit ciangin a sanggampa hong suak khia a, ama khut in Esauʼ khetul len hi. Tua ahih ciangin ama min dingin Jakob kiphuak hi. Amauʼ suah ciangin Isaac kum sawm guk a pha hi.

Piancilna 32:25

Tua mipa in Jakob a zawh lohna a theih ciangin amah in a khelkom sung suksak hi. Tua bangin amah tawh a kilaiina-in Jakobʼ khelguh a kilawi hi.