Hosea 12:10 - Tedim Bible Revision 2017

¹⁰ Kamsangte tungah thu ka gen hi. Maangmuhna a banbanin pia-in, kamsangte tungah thu gentehna tawh thu a gen pa zong keimah ka hi hi.

Tedim Bible

¹⁰ Kamsangte tungah thu ka gen hi. Mangmuhna a ban banin pia-in, kamsangte tungah thugentehna tawh thu a genpa in keimah ka hi hi.

Hosea 12:10 Referans Kwoze

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilh khol a, “Na pu na pate uh ka thupiak thukhamte khempeuh le kamsangte ahi ka nasemteʼ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

Ezekiel 20:49

Tua ciangin kei zong, “Topa Pasian aw, kei hong sawl kei in. Mi khempeuh in kei pen khiatna nei-a thugen thei pa hi, ci-in a hong ngaihsut uh ka hi hi,” ci-in ka nial hi.

Joel 2:28

“Tua khit ciangin mi khempeuh tungah ka kha ka sung dinga, na puteekte un mang manin na tangvalte un maang mu ding uh hi.

Jeremiah 19:1

Topa in hong hopih a, “Beelseek pa kiangah pai inla, leibeel khat va lei in. Miteʼ lakah upa pawl khat le siampi upa pawl khat tonpih inla,

Jeremiah 7:25

Na pu na pate uh Egypt gam panin a hong paikhiat ni uh a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

2 KORIN NIHNA 12:7

Ahi zongin hih a lamdang na tampite ka muhna hangin kisialin ka kisaktheih khak loh nadingin Satanʼ sawltak bangin na a sem, keima pumpi sungah natna khat hong kipia ahih manin ka kisaktheih luat loh nadingin a hong kham hi.

2 KORIN NIHNA 12:1

Bangmah phattuam napi a om khol lo ahi zongin ka kisialsial lai ding hi. Tu-in Topa in maang hong muhsakna le ka muhte kong gen ding hi.

Sawltak 2:17

‘Pasian in hih bangin gen hi: Nitawp ni ciangin, mi khempeuh tungah ka Kha ka sung dinga, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Amos 7:14

Amos in Amaziah dawng a, “Kei pen kamsang ka hi kei a, kamsangteʼ ta zong ka hi beek kei hi. Kei pen tuucing ka hi a, theithek huan puah tawh a thuah khawm ka hi hi.

Hosea 3:1

Topa in kei kiangah thu hong genkik a, “Lawm a ngai khin sa, pasal tawh a lum khawm sa numei khat tawh va kingai in. Israel mite, pasian dangte kiangah pai uh a, leenggahkeu tawh a va biak uh hangin, amaute ka it lai veve mah bangin tua numei va it in,” hong ci hi.

Jeremiah 25:4

Topa in ama nasem ahi kamsangte khempeuh hong sawl tawntung hi napi-in note in ngai loin na bil uh na ngat kei uh hi.

Jeremiah 19:10

“Tua ciangin na tonpihteʼ muhin na beel sukham inla,

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

1 KUMPI MASATE 19:10

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 KUMPI MASATE 13:1

Tua laitakin Topaʼ sawlna tawh Judah panin Pasianʼ mi khat Bethel ah hong pai hi. Paknamtui hal dingin biakna tau gei ah Jeroboam na ding hi.

Gamlak-vakna 12:6

Topa in, “Ka thu za un: Noteʼ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Ezekiel 17:2

“Mihing ahi Ezekiel aw, Israel mite kiangah thu gentehna khat gen inla,

Paikhiatna 20:2

“Kei pen salsuahna Egypt gam panin note a hong paikhiatpih Topa na Pasian uh ka hi hi.

Siampi Laibu 23:42

No Israel mi khempeuh ni sagih sung buk sungah na teeng ding uh hi.

Hosea 13:4

Kei pen Egypt gam panin note a hong paikhiatpih noteʼ Topa Pasian ka hi hi. Tua hun lai-in kei sim loh Pasian dang na thei kei uh a, note a hong hon khia pa kei bek ka hi hi.