Hosea 12:1 - Tedim Bible Revision 2017

¹ Israel mite, a nung kawikawi huih tawh kibang a, sunthapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.

Tedim Bible

¹ Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Hosea 12:1 Referans Kwoze

Hosea 11:12

Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Hosea 8:7

Paunak ah, Huih a tuhte in huih ngahkik dinga, a vui om lo ankung in annek ding piangsak lo hi, kici hi. A vui om lo ankung panin an kingah mah taleh zong gamdang mite in ne tum ding hi.

Hosea 5:13

Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Ezekiel 17:10

Hih leenggui pen a kisuan hi mah hi. Ahi zongin hingin khang zo ding ahi hiam? Nisuahna huihpi in a mutkhiat ciangin keutum ding hi lo ahi hiam? Tua a kisuanna munah keutum lel ding hi lo ahi hiam?” a hong ci hi.

Jeremiah 22:22

Na makaite uh huih in hong mut mangsak dinga, na pawlte uh salin kiman ding uh hi. Tua ciangin na gitlohna uh hangin maizumin na lung-am ding uh hi.

JOB (Job) 15:2

“Job aw, mawk paupau kei in! Nangʼ pau bangin mipilte pau ngei lo a,

2 KUMPI NIHNATE 15:19

Assiria kumpi Tiglath-pileser tua gam a sim dingin kuan to hi. Tua ciangin ama kumpi aana a kip nading a huh ding a deihna-in Menahem in Tiglath-pileser tungah ngun talen tul khat a pia hi.

Piancilna 41:6

Tuateʼ khit ciangin nisuahna huih in a theemsak a hawm vui sagih hong po khia hi.

Jeremiah 2:36

Bang hangin na lungsim kheel ziauziau na hi hiam? Assiria in nang hong maizumsak ngei bangin Egypt-te in zong nang hong maizumsak ding uh hi.

Jeremiah 7:15

Efraimʼ suanlekhak ahi leilu lam a na behte khempeuh uh ka paihkhiat bangin note zong ka muhna panin kong paikhia ding hi.

Kah la 5:6

Ka nuntak theih nadingun Assiria le Egypt-te kiangah an ngen dingin ka pai uh hi.

Hosea 4:19

Huihpi nung in a mutkhiat bangin amaute a phiat khia mang ding lungsim a nei uh hi. Amauʼ biak pasian-te in amaute huh lo ding hi.

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

2 KHANG TANGTHU NIHNATE 21:11

Tua tham loin amah in Judah mual tung gamah mual dawna biakpiaknate bawl a, Jerusalem-a teeng mite citak loin omsak a, Judah mite lam pialsak hi.

Late 78:36

Ahih hangin amaute in a kampi bek uh tawh amah phat khem uh a, a leii uh tawh ama tungah zuaugen uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Hosea 7:1

Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Hosea 11:9

Ka heh manin gim kong pia kei dinga, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong om khawm a, a hehsa-in note kiangah kong pai kei ding hi.