Biblia Todo Logo
Bib sou entènèt

- Piblisite -




Hosea 11:9 - Tedim Bible Revision 2017

9 Ka heh manin gim kong pia kei dinga, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong om khawm a, a hehsa-in note kiangah kong pai kei ding hi.

Gade chapit la Kopi

Tedim Bible

9 Ka heh manin daan kong pia kei ding a, no Israelte kong susia kei ding hi. Bang hang hiam cih leh keimah in mihing hi loin, Pasian ka hi hi. Kei a Siangtho Pa note tawh kong omkhawm a, a hehsa-in note kiangah kong pai kei ding hi.

Gade chapit la Kopi




Hosea 11:9
30 Referans Kwoze  

A zuau dingin Pasian pen mihing hi lo a, a kisik dingin mihingʼ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?


Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.


Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.


“Kei, Topa ka hi a, lungsim a kheel lo mi ka hi hi. No Jakob suanlekhakte aw, a sia cimit na hi nai kei uh hi.


Tua ciangin Topa in, “Ka mite tungah heh nawn lo ka hih manin ka kiangah ka mite ka samkik dinga, lungsim takpi tawh amaute ka it ding hi.


Ahih hangin Amasa in Joabʼ khut sunga om namsau mu lo hi. Tua ahih ciangin Joab in a namsau tawh a pumpi sat a, nih vei sat kul loin a gilpi leilak ah bua khia hi; tua ciangin Amasa a si hi. Tua ciangin Joab le a sanggampa Abishai in Bikhriʼ tapa Sheba delh uh hi.


Note khempeuh kong suksiat khak loh nadingin ka min ka ngaihsutna tawh ka hehna diahin, keimah hong kiphatna ka ngaihsutna-in note tungah ka ki-ip hi.


Ahi zongin amah in hehpihna lungsim nei ahih manin amauʼ khialhnate maisakin, amaute susia lo hi. Amah in a hehna ip zelzel a, a hehna khempeuh phong khia lo hi.


Tua ciangin Abishai in David kiangah, “Pasian in na galpa tu ni-in na khut sungah hong pia ahih ciangin tu-in teipi-in lei tawh khatvei bek hong khawhcipsak in, nih vei khawh ding kisam lo hi,” a ci hi.


Tu ni-a kong gen ama thupiaknate khempeuh zui-in Topa na Pasian uh mai ah a manin gamtatna tawh Topa na Pasian uhʼ aw na ngaih uh leh, na pu na pate uh tungah a ciam sa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-ap sa na khat beek zong note adingin na kem kei ding uh hi.


Ama laizang ah Pasian om a, amah a kiliing kei ding hi. Pasian in phalvak tungin amah huh ding hi.


Tua ahih ciangin mei in buhkung keute kaang tum a, meikuang sungah lopa keute a kattum bangin amauteʼ zung pen muat gawp dinga, amauteʼ pakpalhte leivui bangin vanah leeng to ding hi. Bang hang hiam cih leh amaute in Vanglian Topa’ thu nialin Israel-teʼ Siangtho Paʼ thu a simmawh uh hi.


Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!


Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.


Amaute na haih ding uh a, huih in amaute mut khia dinga, huihpi in amaute thehthang ding hi. Tua ciangin Topa’ hangin na lungdam ding uh a, Israel-teʼ Siangtho Paʼ hangin na minthang ding uh hi.


Amaute in na thugen hong ngai-in, a gitlohna uh pan kihei kha thei ding uh hi. Tua hileh amauʼ gitlohna hanga amaute suksiat dingin ka ngaihsut sa ka kheelkik ding hi.


Kote hong hon khia Pasian aw, kote ka ngei uh hong bangsakkik inla, kote tunga na lungkim lohna hong beisak ta in.


Israel mite, a nung kawikawi huih tawh kibang a, sunthapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.


Swiv nou:

Piblisite


Piblisite