Hosea 11:8 - Tedim Bible Revision 2017

⁸ Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

Tedim Bible

⁸ Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Hosea 11:8 Referans Kwoze

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Hosea 6:4

Israel le Judah aw, note bang hong cih thei nawn ding ka hi hiam? Noteʼ hong itna pen zingsang meii lum bangin theng pak a, a mangthang pak daitui tawh kibang lel hi.

Thu-hilhkikna 32:36

Bang hang hiam cih leh amauteʼ vang a beina le sila le sila ahi lote a beina a muh ciangin Topa in a miteʼ dikna kilangsak dinga, ama nasemte tungah hehpihna nei ding hi.

Thu-hilhkikna 29:23

‘A gambup pen kaat le ci le nin a kaang tum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawn thal gawp, a hehna le a sinsona tawh Topaʼ lot gawpte tawh kibang hi,’ ci ding uh hi.

Juda 1:7

Sodom khua le Gomorrah khua le a kiim a om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangteʼ etteh dingin tawntung meikuang a thuak uh hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh hal tum a, Pasian a um lo miteʼ thuak nading limin a bawl hi.

Amos 4:11

Sodom le Gomorrah khuapite ka suksiat bangin note pawl khat kong susia hi. Meikhuk panin a kiteen khia singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Kah la 1:20

Topa aw, ka thuaknate, ka lunggimnate hong en in. Ka mawhna hangin dah mahmah ka hih manin ka lungsim a kitam hi. Kongzing lakah kithahna om a, inn sungah zong sihna mah a om hi.

2 KUMPI NIHNATE 13:23

Ahih hangin Topa in amaute hehpihin amaute khasiat a, Abraham, Isaac le Jakob tawh a thuciamna hangin amaute lamah amah kihei a, amaute nusia lo hi. Tu dongin zong ama mite mangngilh lo hi.

2 SAMUEL NIHNA 24:16

Vantungmi in Jerusalem khua a susia dingin kithawi-in a khut a zan ciangin tua tatsiatna panin Topa kisik a, mite lakah suksiatna na a sem vantungmi kiangah, “Pha zo hi; tu-in khawl ta in,” a ci hi. Topaʼ vantungmi pen Jebus mi Araunahʼ ancilna gei ah a om hi.

Thukhente 10:16

Tua ahih ciangin amaute in amauʼ lak panin gamdang pasian-te koih khia-in Topa a bia uh hi. Tua ahih ciangin Israel-teʼ gentheihna ah amah a dah hi.

Piancilna 14:8

Tua ciangin Sodom kumpipa, Gomorrah kumpipa, Admah kumpipa, Zeboiim kumpipa le Bela (Zoar) kumpipa kuan khia uh a, amaute kipawlin Siddim Kuam ah

Mangmuhna 18:18

a khuapi katna khu a muh uh ciangin, “Hih zahin a lian khuapi koi lai ah om ahi hiam?” ci-in a kiko uh hi.

Mangmuhna 11:8

singlamteh tungah amauteʼ Topa a kithahna mun Sodom ahih kei leh Egypt minkhem a pua khuapi kongzing ah a luanghawm uh kipaidak ding hi.

Zefaniah 2:9

Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uh ah lingkung bek po zo-in, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak kei tak leh, ci-in ka kiciam hi,” a ci hi.

Amos 7:6

Tua ciangin Topa in zong a lungsim hong kheelkik a, “Na muh bangin hih zong hong piang nawn lo ding hi,” Topa Pasian in hong ci hi.

Amos 7:3

Topa in zong a lungsim hong kheelkik a, “Tua na muh bangin hong piang nawn lo ding hi,” hong ci hi.

Kah la 3:33

Dahna le gimna a hong thuaksak ciangin amah lungdam pah sam lo hi.

Jeremiah 9:7

Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Jeremiah 3:12

Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Isaiah 63:15

A siangtho, a minthang, nangma omna vantung panin hong en suk inla hong mu in. Nangma deihsakna le na vangliatna koi ah om ta ahi hiam? Na lungsimʼ deihna le nangma hehpihna kote adingin maimang ta hi.

Late 106:45

Amaute ading a ngaihsutna-in ama thuciamna phawk a, ama itna kip tawh kizui-in a kolsak hi.

1 KUMPI MASATE 3:26

Tua ciangin a tapa a nungta numei in a lungsimah a tapa khasiat ahih manin kumpipa kiangah, “Aw ka topa aw, a nungta naupang amah pia zaw in; bangbang hitaleh amah that kei in,” a ci hi. Ahih hangin a khat in, “Hih pen kei ka hi a, amah in ahi zongin tang thei lo ding hi; hong hawmsak un,” a ci hi.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kir-hareseth khuapi hangin kei mahmah zong ka kisat gaihgaih hi.

Jeremiah 18:8

tua ka gen sa minam le gam a siatna panin a kiheikik leh, ama tungah siatna tunsak dingin ka seh sa pen ka kisikkik dinga, ka tungsak nawn kei ding hi.

Jeremiah 42:10

Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.

Kah la 3:32

Dahna hong thuaksak thei dinga, ahih hangin eite a hong itna muanhuai-in kip tawntung hi.

Ezekiel 6:9

salin a om ding uh hi. Tua bangin salin a omna uh mun panin, amauʼ lungsim cihtak lohna uh hangin kei hong nusiatna uh le keimah sangin milim a deihzawkna uh hangin a maizum nadingun gim a pia ding ka hih lamtak thei-in kei hong phawk ding uh hi. Amauʼ gitlohna le a hai tatna sate uh hangin amau mahmah kimudahtawm ding uh hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Hosea 7:1

Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Micah 5:3

Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Thu-hilhkikna 29:22

“Hong khanglai ding, noteʼ nungah hong piang na tate uh le a gamla gam panin a hong pai gamdang mite in, tua gamʼ gim ngahna le Topa in a natsak cinatnate a muh uh ciangin,

2 KHANG TANGTHU NIHNATE 36:15

A mite le ama teenna mun khasiat ahih manin amauʼ pute pateʼ Pasian, Topa in a kamtaite amaute kiangah sawl teitei hi.

Jeremiah 9:6

Siatna khat khit siatna khat, a banbanin gamta uh a, zuau zong a phuakphuak uh hi. Kei hong thei nuam lo uh hi, Topa in a ci hi.