Biblia Todo Logo
Bib sou entènèt

- Piblisite -




Hosea 11:6 - Tedim Bible Revision 2017

6 Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thu hoih lo zui kha uh ahih manin gal in susia mang ding hi.

Gade chapit la Kopi

Tedim Bible

6 Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thuhoih lo zui kha uh ahih manin gal in susia mang ding hi.

Gade chapit la Kopi




Hosea 11:6
25 Referans Kwoze  

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.


gal in na mite uh hong sim dinga, na kulh muanhuaite uh kisusia ding hi. Kumpi Shalman in a galsimna ah Beth-arbel khua su gawpin, nupite le a tate leilak denna-in a sih mangsak hun lai mah a bang ding hi.


Bang hang hiam cih leh Assiria gam a kumpi lianpa tungah siah a piak dingin tua milim kipua khia ding hi. Thu kigen zui-in milim a biakna hangun Israel-te mindai-in maizum ding uh hi.


Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.


Na gam sung uh a om khuapite susia-in, na galpanna munte uh ka phel khia ding hi.


Leitaw lam tulakte kiangah thu gen inla, Topaʼ thugen ngai un. Topa Pasian in hih bangin ci hi: ‘En un, tu-in gam hal a kipan ding ka hi a, na sunga om singkung a hing, a keu-in kaang tum mang ding hi. Kuamah in tua meikuang phelh zo lo ding hi. A taw panin a khung dongin kaang tum mang ding hi.


Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuu hon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.


Topa in, “Keiʼ ngimna hi lopi-in thu vaihawmna a sem khia, keiʼ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faroʼ hutna sung a beel ding le Egyptʼ liahna a zong dingin Egypt gamah pai suk dingin a kuan khia, a lehdo mite in gimna ngah tahen.


Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.


Bang hang hiam cih leh leenggah lawh hun ma deuh, leenggui a pak khit, leenggah a puamcin laitakin, amah in singhiang heuhna temkawi tawh a selte at khia dinga, a zaam zeizai a hiangte heuh khia ding hi.


Tua ahih ciangin Topa in Israel sung panin a makaite le a mihonte, a lu panin a mei dongin ni khat thu-in a vatmai hi.


Amah in amaute tam veipi hon khia hi. Ahih hangin amaute in lehdona lungsim vom uh a, amauʼ mawhna hangin amaute a kiniamkoih hi.


Tua ahih ciangin amauʼ sepna tawh amaute a nin suak uh a, amauʼ gamtatnate tawh palhngulhna a bawl uh hi.


Namsau in gamlak ah amaute susia-in, inn sungah launa lianpi om dinga, tangval le nungak, naungek nawi nete, sam kangte tawh susia khawm ding hi.


Na gam sung uh a a om na muan uh, a sang a muanhuai na kulhpite uh a cip khit dong matengin noteʼ khuapite khempeuh sungah amaute in note hong umcih ding uh hi. Topa na Pasian un note hong piak sa na gam sung khempeuh uh ah a om na khuapite khempeuh sung uh ah note hong umcih ding uh hi.


Keimah in minam dangte lakah note kong thehthang dinga, keimah in namsau a paai panin dokin note kong delh ding hi. Na leitang uh gamkhing suak dinga, na khuapite uh a sia hi ding hi.


Keimah in na khuapite uh siasakin, na biakna munte uh gamkhing ka suaksak dinga, nomauʼ hong biakna a gim namtuite ka diik kei ding hi.


“Topa in kong cih in ah, Khaldea gam mite, Babylon khua ah a teengte, a kumpi uliante le a mipilte namsau tawh kithat tahen!


Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa le mi liante salin a om khin uh hi. Thukham kihilh nawn lo a, kamsangte in Pasian kiang pan maang a mu nawn kei uh hi.


A kizualsak zo lo bawngla bangin Israel mite phengphi uh ahih manin, lo nona munah tuunote an vak bangin amaute bangci vak ding ka hi hiam?


Israel mite, milim biak uuk lua uh a, cih theih hi lo hi.


Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.


Keimah in, thuciamna om sa bangin phulakna na a sem ding namsau khat noteʼ tungah kong tungsak ding hi. Na khuapi sung uh ah note na kikaihkhop uh leh zong keimah in noteʼ lakah natna kong tungsak dinga, na galte uh khut sungah note hong kipia ding hi.


Swiv nou:

Piblisite


Piblisite