Hosea 11:4 - Tedim Bible Revision 2017

⁴ Amaute, itna le hehpihna tawh ka len a, dom to-in ka biang ciangah ka tawi a, awn sukin an ka pia hi.

Tedim Bible

⁴ Amaute, itna leh hehpihna tawh ka len a, dom toin ka biang ciangah ka tawi a, awn sukin an ka pia hi.

Hosea 11:4 Referans Kwoze

Johan 12:32

Leilak panin kei hong kikhai toh ciangin ka kiangah mi khempeuh ka kai ding hi,” a ci hi.

Siampi Laibu 26:13

Note pen amauʼ sila na hih loh nadingun Egypt gam panin note a hong paikhiatpih Topa na Pasian uh ka hi hi. Keimah in noteʼ gimna hakkolte kuaitanin note a ding tangin kong paisak hi.

2 KORIN NIHNA 5:14

Mi khempeuh adingin mi khat si khin ahih manin mi khempeuh zong a ngeina lui uh ah si khinta hi, ci-in ka theihna hangun tua Khrisʼ itna in koteʼ nuntakna hong uk hi.

Hosea 2:8

Ama tungah an, leenggahzu le oliv thau ka piakna le Baal pasian biak nadingin a zat ngun le kham tampi tak a pia pa ka hih lam hong phawk kha lo hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Solomon la 1:4

Hong kai inla zawltai ni. Ka kumpi hong hi inla, na inn ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaih khak tuahpha ing.

Late 105:40

Amaute in ngen a, vantung panin anlum tampi a pia hi.

2 SAMUEL NIHNA 7:14

Kei pen ama pa ka hi dinga, amah pen keima tapa hi ding hi. Amah in mawhna a bawl ciangin, keimah in miteʼ ciangduai tawh amah ka thuhilh ding hi.

Paikhiatna 16:32

Moses in, “Topaʼ thupiak hih bang ahi hi: ‘Egypt leitang panin note kong paikhiatpih lai-in sehnel gamah note kong vakna an na suanlekhakte un a muh theih nadingun na khang tawntungun lawhta dim khat kem un,’ ci hi,” ci-in a gen hi.

Thu-hilhkikna 32:12

Topa bek mah in amaute makaih a, amaute kiangah gamdang pasian om lo hi.

Thu-hilhkikna 32:14

Bawng hon panin bawngnawi-thaukhal, tuu hon panin tuunawi, tuunote le tuutalteʼ thau tawh, Bashan bawnghonte le keelte, mangbuh hoih pente tawh leenggahtui san na dawn uh hi.