Hosea 11:2 - Tedim Bible Revision 2017

² Amaute kilim sap semsem leh ka maitang pan gamla pai semsem hi. Ka mite in Baal tungah biakna pia uh a, milim biakna-in paknamtui a hal uh hi.

Tedim Bible

² Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.

Hosea 11:2 Referans Kwoze

Hosea 2:13

Kei hong mangngilh tanvei sung, Baal pasian tungah paknamtui a hal tanvei sung le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Hosea 11:7

Ka mite in kei kiang panin pial ding ngaihsun tawntung uh a, a sangna lam ah a kiko khop uh hangin kihon khia lo ding hi.

Sawltak 7:51

“Na lungsim uh khauh mahmah a, lawki lungsim paii-in, Pasianʼ thu ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Johan 3:19

Tua bangin mawhsak thukhenna a thuakna uh a hang in: Leitungah khuavak hong tung khin napi-in a gamtatna uh hoih lo ahih manin leitung mite in khuavak sangin khuamial deih zaw uh hi.

Luka 13:34

“Jerusalem, Jerusalem aw, kamsangte na that a, Pasianʼ hong sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Jeremiah 35:13

“Vanglian Topa, Israel miteʼ Pasian in kong cih in ah: Pai inla Judah mite kiang le Jerusalem khua-a teeng miteʼ kiangah, Topa in: Ka thuhilhna hong sang loin ka thu hong ngai lo ding na hi uh hiam?

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

1 KUMPI MASATE 18:19

Tua ahih ciangin tu-in mi sawl inla, Karmel Mual kei kiangah Israel-te khempeuh le Jezebelʼ sabuai ah an a ne Baal kamsang za li le sawm nga le Asherah kamsang za lite hong khawm in,” a ci hi.

1 KUMPI MASATE 12:33

A kha giatna a ni sawm le nga ni, ama deih kha sungin Bethel a ama bawl sa biakna tau ah amah pai to hi. Amah in Israel mite adingin pawi khat kipsak a, paknamtui hal dingin biakna tau ah a pai to hi.

Thukhente 10:6

Tua ciangin Topaʼ muhna ah Israel mite a sia gamtakik uh a, Syria miteʼ pasian-te, Sidon miteʼ pasian-te, Moab miteʼ pasian-te, Ammon miteʼ pasian-te, Filistia miteʼ pasian-te le Baal-te le Ashtaroth bia uh a, amaute in Topa nusia-in ama na sem lo uh hi.

Thukhente 3:7

Topaʼ muhna ah Israel-te a sia gamta-in, Topa amauʼ Pasian mangngilh uh a, Baal-te le Asherah milimte a bia uh hi.

Thukhente 2:13

Amaute in Topa nusia uh a, Baal-te le Ashtaroth pasian-te bia uh hi.

Zekhariah 1:4

Na pu na pate uh bang nawn kei un. Nidang a kamsangte in amaute kiangah ka thu gen uh a, gamtat sia gamta loin, a mawh nawn loh nading hilh uh hi. Ahi zongin amaute in ka thu ngai nuam loin, ka thu hong mang lo uh hi.

Hosea 4:13

Amaute in mual sangte dawna biakna munte ah biakna pia uh a, a nuai liim hoih ahih manin mual neute tungah a po tawsaw kung, poplar kung le terebinth kungte nuai ah paknamtui halin a bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Jeremiah 44:5

Ahih hangin amaute in ka thu hong ngai loin a bil uh hong ngat lo uh a, a gitlohna uh panin kihei loin, pasian dangte kiangah paknamtui hal veve uh hi.

Hosea 4:17

Israel mite, milim biak uuk lua uh a, cih theih hi lo hi.