Hosea 11:12 - Tedim Bible Revision 2017

¹² Topa in hih bangin ci hi: Israel mite in zuauna le khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Tedim Bible

¹² Topa in hih bangin ci hi. Israel mite in zuauna leh khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Hosea 11:12 Referans Kwoze

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Hosea 12:7

Sumbukte in tawitehna man lo zang uh a, amaute in mi khem ding nuam a sa uh hi.

Isaiah 44:20

Amah pen vut a nete tawh kibang lel hi. A lungsim haina in amah lam pialpih khin a, amah le amah kihon khia thei loin, “Ka khut sungah ka tawi milim pen a zumhuai hi lo ahi hiam?” cih zong phawk thei lo hi.

Mangmuhna 5:10

Pasianʼ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

Mangmuhna 1:6

ama Pa Pasianʼ na a sem dingin siampi le kumpi za-ah a hong koih hi. Tua Jesu in minthanna le vangliatna nei tawntung tahen. Amen.

1 KORIN MASA 6:2

Pasianʼ mite in leitung miteʼ thu a khensak zaw ding ahih lam thei lo na hi uh hiam? Note pen leitung miteʼ thu a khensak ding na hih uh ciangin tua bang thu neute khen thei lo lawmlawm na hi uh hiam?

Micah 6:12

Na mihaute uh mizawngte tungah tatsia mahmah in, na khua sung mi khempeuh uh zuaugen vive ahi uh a, a kam un khemna thu bekbek gen hi.

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

Late 78:36

Ahih hangin amaute in a kampi bek uh tawh amah phat khem uh a, a leii uh tawh ama tungah zuaugen uh hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Hosea 12:1

Israel mite, a nung kawikawi huih tawh kibang a, sunthapai a a nasepna uh a mawkna ahi hi. Zuauna le siatna lamsang bekbek khangsak uh hi. Assiria-te tawh kipawlna bawl uh a, Egypt-te tawh kizopna nei uh hi.

Hosea 7:16

Amaute, keiʼ lam hong nga loin, Baal pasianʼ lam nga tawntung uh hi. A khak nading san a kha thei lo thalpeu tel tawh kibang uh hi. Amauʼ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh beh laplap uh hi.

Piancilna 2:11

A masa pen gun a min Pishon hi a, kham a omna, Havilah gambup kimkot ah a luang pen ahi hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante uh nuamsak uh hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hangin a piang gahte na ne uh hi. Note in na sakol leengte uh le na galkap tamna uh muang kha na hih manun,