Hosea 10:8 - Tedim Bible Revision 2017

⁸ Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Tedim Bible

⁸ Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Hosea 10:8 Referans Kwoze

Luka 23:30

Tua hun hong tun ciangin mite in, ‘Mual lian mual neute in hong cipnelhin a si khin hi lehang ut zaw hang,’ ci ding uh hi.

Mangmuhna 6:16

mualte le suangtum lianpite kiangah, “Kote tungah hong kia suk unla, tokhom tungah a tupaʼ maitang le Tuunoʼ hehna panin kote hong liah un.

Isaiah 2:19

Leitung a liingsak gawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

Hosea 9:6

Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beer-sheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Mangmuhna 9:6

Tua hun ciangin mite in a sih theih nading uh a zonzon uh hangin sih theih nading lampi mu lo ding uh a, si nuam mahmah napi-un si thei het lo ding uh hi.

Micah 1:13

Lakhish khua ah a teeng mite aw, na sakol galkapte uh a leeng bulh pak un. Note in Israel-teʼ khialhna teng zui kha na hih manun, Jerusalem zong a khialsakte na hi uh hi.

Micah 1:5

Pasianʼ tungah Israel-teʼ mawhna le a khialhnate uh hangin hih thute khempeuh a piang ahi hi. Israel-teʼ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

Hosea 10:5

Bethaven khua-a bawng no milim a taanna uh hangin Samaria khuapi sunga a teeng mite lau-in liing ding uh a, amaute le tua milim na a sem siampite a thum ding uh hi. A etlawmna teng a maiman ciangin a tau ding uh hi.

Hosea 10:2

A lungsim uh man lo ahih manin tu-in a mawhna uh thuak ding uh hi. Topa Pasian in amauʼ biakna taute suzanin, a biakna songte uh suksiatsak ding hi.

Hosea 5:8

Galdo nading zaksakna in Gibeah khua ah tuutal ki tum unla, Ramah khua ah peengkul tum un. Bethaven khua ah pataukohna gingsak un. Benjamin mite aw, kithawi un!

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

Hosea 4:13

Amaute in mual sangte dawna biakna munte ah biakna pia uh a, a nuai liim hoih ahih manin mual neute tungah a po tawsaw kung, poplar kung le terebinth kungte nuai ah paknamtui halin a bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Isaiah 34:13

Kumpi inn liante sungah lingkung po dinga, kulh a nei khua sungah laho le thangling kungte a po ding hi. Ngiateʼ an zonna mun suakin, vasa-kalaohteʼ omna mun hi ding hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite ah pai-in biakna songte sat khamin Asherah milimte phukin, Judah le Benjamin sung le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mikimin amauʼ inn omna a khuapi ciat uh ah a ciah uh hi.

2 KUMPI NIHNATE 23:15

Tua tham loin Israel-te a khialsak Nebatʼ tapa Jeroboam in Bethel ah a phuh sa mual tunga biakna, tua biakna mun a biakna tau tawh, amah in phelin a suangte sukham a, tuate a satvui hi. Amah in Asherah milim zong a hal hi.

1 KUMPI MASATE 14:16

Tua ciangin ama khialhna le Israel-te a khialhsakna ahi Jeroboamʼ khialhna hangin amah in Israel nusia ding hi,” a ci hi.

1 KUMPI MASATE 13:34

Hih pen lei maitang panin khen khia-in a susia zah dongin Jeroboamʼ innkuan tungah khialhna lianpi a suak hi.

1 KUMPI MASATE 13:2

Tua ciangin Topaʼ sawlna bangin biakna tau langpangin mipa kiko a, “Biakna tau, biakna tau aw, Topa in hih bangin ci hi: ‘En in, Josiah min nei tapa khat Davidʼ suan sung pan hong piang ding hi. Amah in nangma tungah paknamtui a hal mual tunga biakna a pia siampite nangma tungah biakna-in pia dinga, nangma tungah mihingteʼ guhte kihal ding hi,’ ci hi,” a ci hi.

Thu-hilhkikna 9:21

Tua ciangin noteʼ khialhna, na bawl sa uh bawng no, mei tawh halin sukhamin, leivui bangin a neel dongin ka gawizan hi. Tua ciangin mual tung panin a hong luang suk lui sungah a vuite ka lawn hi.

Piancilna 3:8

A nitak ciangin huan sungah Topa Pasian a hong paina ging amaute in za uh a, Topa Pasianʼ muh loh dingin mipa le a zi, huan sung singte lakah a bu uh hi.

Hosea 2:6

Tua ahih ciangin amah a paikhiat zawh loh nadingin ling ka kaihnelh dinga, a kimkot ah kulh ka ciang ding hi.

Hosea 10:9

Gibeah khua ah a khialh uh a kipanin kei tungah hong khialhna uh Israel mite tawp nai lo hi. Tua ahih manin Gibeah khua ah gal in amaute pha ding hi.

Amos 7:9

Isaacʼ suanlekhakteʼ biakna munte kinusiacipin, Israel miteʼ siangtho munte kisusia dinga, Kumpi Jeroboamʼ innkuante a sim gawp dingin gal ka kuansak ding hi,” a hong ci hi.

Nahum 3:11

Nineveh khuapi aw, nang zong zukham bangin khua na phawk kei dinga, na galte kiang panin tai-in bukna na zong ding hi.

Hosea 8:5

Samaria khuapi mite in a biak kham bawng no ka deih kei hi. Tua a bia mite tungah ka heh hi. Amaute in mihoih a suah nading uh bang tanvei ngak lai ding ahi uh hiam?

Amos 1:5

Damaskas khua kulhpi zawlte ka sutan dinga, Aven Kuam a teeng mi khempeuh le Betheden Kuam sungah a om gam ukte khempeuh keimah in ka susia dinga, Syria mite ahihleh Kir gamah salin kipaipih ding hi.

Amos 3:14

Amauʼ khialhna hangin Israel gim ka piak ni ciangin, Bethel a biakna taute zong ka susia dinga, biakna tau kite kitanin leilak ah kia ding hi.