Hosea 10:7 - Tedim Bible Revision 2017

⁷ Tui tunga tuiphuan laam bangin a kumpite uh maimang ding hi.

Tedim Bible

⁷ Tui tunga tuiphuan laam bangin a kumpipa uh maimang ding hi.

Hosea 10:7 Referans Kwoze

Hosea 10:3

A sawt loin hih mite in, “Topa kihta lo ihih manin kumpi i nei kei hi. Kumpi khat lel in eite ading bang hong hihsak thei ding ahi hiam?” ci ding uh hi.

Juda 1:13

a sepna uh tawh amau mahʼ maizum nading a piangsak tuipi hualte le Pasian in amauteʼ om nadingin lei sung khuamial thukpi a koihsak tawntung, a lampial aksite tawh kibang bek uh hi.

Hosea 13:11

Na kumpi dingte uh kong ngawh piak a, ka hehluatna hangin amaute ka la khiakik khin hi.

Hosea 10:15

Israel mite aw, noteʼ gamtat hoih lohna hangin tu-a bang teekin note tungah thu hong piang ding hi. Galdo a kipat phetin Israel kumpipa si pah ding hi.

2 KUMPI NIHNATE 17:4

Ahih hangin Assiria kumpipa in Hoshea a zuautatna mu hi; bang hang hiam cih leh amah in Egypt kumpipa So kiangah kamtaite sawlsim a, a kumkumin ahih ngeisa bangin Assiria kumpipa tungah siah pia nawn lo hi. Tua ahih ciangin Assiria kumpipa in amah man a, thong sungah koihin a hencip hi.

2 KUMPI NIHNATE 15:30

Tua ciangin Uzziahʼ tapa Jothamʼ kum sawm nihna kumin Elahʼ tapa Hoshea in Remaliahʼ tapa Pekah sawm simin amah sat pukin that a, tua ciangin ama tangin a uk hi.

2 KUMPI NIHNATE 1:3

Ahih hangin Topaʼ vantungmi in Tishbe mi Elijah kiangah, “Ding in, Samaria kumpipaʼ kamtaite a dawn dingin pai to-in amaute kiangah, ‘Ekron pasian, Baal-zebub kiangah thu a dong dingin na pai nadingun Israel sungah Pasian om nawn lo ahi hiam?’ ci in.

1 KUMPI MASATE 21:1

Tua laitakin Jezreel khuami Naboth in Samaria kumpi Ahabʼ kumpi inn gei ah leenggui lo khat nei hi.

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.