Hosea 10:6 - Tedim Bible Revision 2017

⁶ Bang hang hiam cih leh Assiria gam a kumpi lianpa tungah siah a piak dingin tua milim kipua khia ding hi. Thu kigen zui-in milim a biakna hangun Israel-te mindai-in maizum ding uh hi.

Tedim Bible

⁶ Bang hang hiam cih leh Assiria gama kumpi lianpa tungah siah a piak dingin tua milim kipuakhia ding hi. Thu kigen zui-in milim a biakna hangun Israel mindai-in maizum ding uh hi.

Hosea 10:6 Referans Kwoze

Hosea 5:13

Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Isaiah 30:3

Tua ahih ciangin Faroʼ hutna pen na maizumna uh hi dinga, Egypt liahna sungah na bukna uh nomauʼ zahhuaina hi ding hi.

Daniel 11:8

Amah in amauteʼ milim pasian-te le a na manpha ngun le khamte Egypt gamah a pua ding hi. Kum tawmvei sung bek kilemna a om ding hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Hosea 8:6

Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Hosea 4:19

Huihpi nung in a mutkhiat bangin amaute a phiat khia mang ding lungsim a nei uh hi. Amauʼ biak pasian-te in amaute huh lo ding hi.

Hosea 4:7

Siampi tam semsem leh kei tungah a khialhna uh tam semsem hi. Amauʼ minthanna pen mindaina ka suaksak ding hi.

Ezekiel 36:31

Na gamtatna sa uh na gitlohnate uh le na hoih lohnate uh na phawkkik ding uh a, na mawhna uh le na khialhnate uh hangin nomau mahmah na kimudahtawm ding uh hi.

Jeremiah 48:13

Tua ciangin Israel mite, a muan uh Bethel pasian in a maizumsak mah bangin Moab mite, a biak uh Khemosh pasian in a maizumsak ding hi.

Isaiah 45:16

Milim a bawl mite khempeuh in maizumna thuakin cih nading thei loin om ding uh hi.

Isaiah 1:29

Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

JOB (Job) 18:7

A khe kip ngei a, ahi zongin tu-in a khe bai ta hi. Amah in a ngaihsut khialhna a puk lawh hi.

2 KUMPI NIHNATE 17:3

Assiria kumpi Shalmaneser amah a simin kuan to hi. Tua ciangin Hoshea ama khutnuai mi suak a, ama tungah siah a puak hi.

Ezekiel 16:28

Bang hang hiam cih leh a dangte tawh lungkim zo nai lo na hih manin Assiria mite na nung delh lai hi. Tuate tawh na paktat a, ahi zongin na lungkim zo nai sam kei hi.