Hosea 10:5 - Tedim Bible Revision 2017

⁵ Bethaven khua-a bawng no milim a taanna uh hangin Samaria khuapi sunga a teeng mite lau-in liing ding uh a, amaute le tua milim na a sem siampite a thum ding uh hi. A etlawmna teng a maiman ciangin a tau ding uh hi.

Tedim Bible

⁵ Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 10:5 Referans Kwoze

Hosea 9:11

Israel-teʼ minliatna teng vasa bangin leeng mang dinga, amauʼ sung panin ta suak nawn loin, nupi gai, naupaii cih zong om nawn lo ding hi.

Hosea 5:8

Galdo nading zaksakna in Gibeah khua ah tuutal ki tum unla, Ramah khua ah peengkul tum un. Bethaven khua ah pataukohna gingsak un. Benjamin mite aw, kithawi un!

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal ah ahi a, Bethaven ah ahi zongin pai kei unla, tua lai munah Topaʼ min tawh na kiciam kei un.

2 KUMPI NIHNATE 23:5

Tua ciangin amah in Judah khuapite le Jerusalem kiim a om mual tunga biaknate tungah paknamtui hal dingin Judah kumpite in a kipsak sa milim biateʼ siampite a hawl khia hi. Baal tung, ni tung, kha tung, aksi honpite tung le vantung a om nate khempeuh tungah paknamtui a halte zong a hawl khia hi.

Hosea 13:2

Tua hi napi-in amaute khial thuah semsem uh a, a biak ding uh milim a bawl uh hi. Amauʼ ngunte milimin bawl uh a, a hoihtakin khutsiamte a bawlsak uh hi. Tua ciangin, “Hihte tungah biakna pia un,” a ci uh hi. Mihing in milim bia-in nam tazen uh hi.

Sawltak 19:27

Tua ahih manin i nasepna a siat khak ding lauhuai hi. Tua bek hi loin, Asia gam sung mi le leitung mi khempeuh in a biak Artemis nusian biakna innpi a mawkna hong suahkhak ding le a liatna teng a maiman khak ding lauhuai mahmah hi,” a ci hi.

Zefaniah 1:4

“Judah gam mi khempeuh susia mangin, Jerusalem khuami khempeuh ka sumai ding hi. Baal milim biakna a them baang lai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau adingin a kisung bawng no lim nih bawl uh hi. Amaute in Asherah milim khat bawl uh a, vantung a om nate khempeuh bia-in Baal milim na sem uh hi.

2 KUMPI NIHNATE 10:29

Ahih hangin Bethel le Dan ah a om kham bawngnote ahi, Israel-te a khialhsakna, Nebatʼ tapa Jeroboamʼ khialhnate panin Jehu kihei khia lo hi.

Thukhente 18:24

Amah in, “Note in keima bawl sa ka pasian-te le ka siampipa la-in na paikhia uh hi. Keimah in bang nei nawn ka hi hiam? Tua ahih ciangin, ‘Bang thu ahi hiam?’ bang hangin hong ci thei na hi uh hiam?” a ci hi.

Joshua 7:2

Joshua in Jerikho panin Bethel nisuahna lam Bethaven gei-a om Ai khua ah mi sawlin amaute kiangah, “Pai to unla a gam va en un,” a ci hi. Tua mite pai to-in Ai khua va ensim uh hi.

2 KHANG TANGTHU NIHNATE 13:8

Note mi tampi na hihna uh le noteʼ pasian dingin Jeroboam in hong bawlsak kham bawngnote note tawh a om manin, Davidʼ suanteʼ khut sungah a om Topaʼ kumpi gam do ding tu-in na ngaihsun uh hi.

Isaiah 46:2

Amaute kunin, amaute puk suk khawm uh a, amaute in van gik pengsak thei lo uh a, amaute mahmah zong galteʼ matna sungah tung uh hi.

Hosea 9:1

Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Amos 3:14

Amauʼ khialhna hangin Israel gim ka piak ni ciangin, Bethel a biakna taute zong ka susia dinga, biakna tau kite kitanin leilak ah kia ding hi.