Hosea 10:12 - Tedim Bible Revision 2017

¹² Khai tuh bangin thuman tuhin, kei nong itna hangun a piang thuphate at un. Noteʼ Topa keima lamah nong kihei ding uh a hun hi ta ahih manin lo thak lei kal kham un. Tua hileh kei hong pai-in note tungah thupha kong pia ding hi, ka ci hi.

Tedim Bible

¹² Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.

Hosea 10:12 Referans Kwoze

Jeim 3:18

Kilemna a piangsak mite in lungnuam takin a tuh khaici in hoihna le dikna a piangsak hi.

Isaiah 45:8

Vantungte aw, tung lam panin thuman zusak unla, vantungte in thumanna bua suk ta un. Hotkhiatna a pokhiat theih nadingin leitang kihongsak unla, thumanna zong po khia tosak un. Keimah Topa in hih thu ka bawl khinzo hi.

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Isaiah 55:6

A kimuh theih hun lai-in Topa zong unla amah a nai om lai-in thu ngen un.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Thuhilh-sia 11:6

Zingsang a kipan khaici tuh inla, nitak dong mateng khawl kei in. A vekpi-in a po kim ding ahi a, a khat sia-in, a khat a po ding ahi zongin na theih kholh bangmah om lo hi.

Late 105:4

Topa le ama huh ding zon belin nei unla, a tawntungin ama maipha zong niloh un.

Luka 13:24

Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Amos 5:6

Topa zong un; tua hileh na nungta ding uh hi. Amah na zon kei uh leh Josef mite tungah meikuang bangin amah hong kuang dinga, tua mei in Bethel a om mite kangtumin, tua mei a phelh ding kuamah om lo ding hi.

Isaiah 31:1

Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!

Amos 5:4

Tua ahih manin Topa in Israel mite tungah hih bangin ci hi: Kei hong zong un; tua hileh na nungta ding uh hi.

Hosea 12:6

Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Amos 5:8

Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

Hosea 8:7

Paunak ah, Huih a tuhte in huih ngahkik dinga, a vui om lo ankung in annek ding piangsak lo hi, kici hi. A vui om lo ankung panin an kingah mah taleh zong gamdang mite in ne tum ding hi.

Sawltak 2:18

Tua ni ciangin ka nasem numeite le ka nasem pasalteʼ tung nangawn ah ka Kha ka sung dinga, amaute in keima thu gen ding uh hi.

Ezekiel 34:26

“Amaute thupha pia-in ka mual siangtho kiimah ka omsak ding hi. A kisap hunhunin thupha guahtui ka zusak ding hi.

Isaiah 32:20

Tui tampi a omna ah khai tuh a, bawngtal le late a ututna ah a tasak note pen mi nuamsa na hi uh hi.

Isaiah 30:23

Khaici na tuh nadingun amah in guah hong zusak dinga, lei panin a piang an hoih tampi tak hong pia ding hi. Tua ni ciangin gankhahna, mun zaina ah na ganhingte un lopa ne ding uh hi.

Jeremiah 50:4

“Topa in kong cih in ah, tua ni tua hun ciangin Israel mite le Judah mite kap kawmin hong pai khawm ding uh a, Topa a Pasian uh hong zong ding uh hi.

Isaiah 5:6

Lokhulin ka bawl ding hi. Kipuah loin, kikho lo dinga, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Paunak 18:21

Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

2 KORIN NIHNA 9:10

Tua ahih manin vawh ding khaici le nek ding an hong pia Pasian in noteʼ cit piakna hangin nopsakna lian tampi na ngah theih nadingun note tungah a kisam khaici hong guanin a pungsak ding hi.

Isaiah 48:18

Ka thupiakna a ngai hi hoh leteh! Nangma nopsakna gunpi bang dinga, na thumanna, tuihualte tawh kibang ding hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Isaiah 54:14

Thuman le thutang in nang hong thahatsak ding hi. Nenniamna tawh na kigamla dinga, nang na lau kei ding hi. Kihtakna tawh na kigamla dinga, nangma nai ah tuate hong pai lo ding hi.