Hosea 1:6 - Tedim Bible Revision 2017

⁶ Tua ciangin Gomer gaikikin tanu khat nei hi. Topa in zong Hosea kiangah, “Na tanuʼ min dingin hehpih loh, a cihnopna Loruhamah phuak in; bang hang hiam cih leh Israel mite ka hehpih nawn kei dinga, a mawhna uh ka maisak het kei ding hi.

Tedim Bible

⁶ Tua ciangin Gomer gai kikin tanu khat nei hi. Topa in zong Hosea kiangah, “Na tanu’ min dingin hehpih loh, a cih nopna Lo-ruhamah phuak in; bang hang hiam cih leh Israel mite ka hehpih nawn kei ding a, a mawhna uh ka maisak kei ding hi.

Hosea 1:6 Referans Kwoze

1 PETER MASA 2:10

Nidangin Pasianʼ mi na hih loh uh hangin tu-in ama mi na hi uh a, nidangin Pasianʼ hehpihna na theih loh uh hangin tu-in ama hehpihna na ngah uh hi.

Hosea 2:23

Leitungah ka mite kipsakin a cithei-in ka bawl dinga, hehpih loh, a kici mite ka hehpih dinga, ka mi hi lo, a kici mite, ka mi na hi uh hi, ka ci dinga, amaute in, “Nang pen koteʼ Pasian na hi hi,” hong ci ding uh hi, Topa in a ci hi.

Hosea 2:4

Ama tate, paktatna panin a piang tate ahih manin, tua a tate zong ka hehpih kei ding hi.

2 KUMPI NIHNATE 17:6

Hosheaʼ kum kuana kumin Assiria kumpipa in Samaria la a, amah in Assiria ah Israel mite ciah pihin Halah gam sung, Gozan gam a om Habor gun gei le Media khuapite sungah amaute a koih hi.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo dinga, amaute a piangsak pa in amaute tungah maipha lak lo ding hi.

Hosea 1:8

Loruhamah a tei khit ciangin Gomer gai-in tapa khat nei leuleu hi.

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migiloteʼ khut sungah amaute a pia hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israel-te a khialhna uh a kitheih nadingin hih khaukhai tawh ka en hi. Amaute gim ka piak ding ka khiakik nawn kei ding hi.

Amos 9:8

Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susia mang loin pawl khat ka sitlai ding hi.