Hosea 1:10 - Tedim Bible Revision 2017

¹⁰ Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasianʼ tate,” kici ding hi.

Tedim Bible

¹⁰ Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Hosea 1:10 Referans Kwoze

2 KORIN NIHNA 6:18

Kei pen noteʼ Pa hong hi-in, note, keima tate na hi ding uh hi,” na ci hi.

Johan 1:12

Tua bang hitaseleh ama thu ngai-in amah a um mite khempeuh tungah Pasianʼ tate suah theih nading thu a pia hi.

Isaiah 43:6

Keimah in leilu lam kiangah, ‘Pia khia in,’ leitaw lam kiangah, ‘Len nawn kei in; keima piansak ka bawl sa, keima minthan nadingin ka piansak, keima min tawh a kilote khempeuh ahi, ka tapate a gamlapi panin, ka tanute leimong panin hong paipih un,’ ka ci ding hi,” a ci hi.

Hosea 2:23

Leitungah ka mite kipsakin a cithei-in ka bawl dinga, hehpih loh, a kici mite ka hehpih dinga, ka mi hi lo, a kici mite, ka mi na hi uh hi, ka ci dinga, amaute in, “Nang pen koteʼ Pasian na hi hi,” hong ci ding uh hi, Topa in a ci hi.

Isaiah 66:20

Israel mite in beel siangtho sungah an tawh amau biakpiakna tawi-in Topa’ biakinn ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte le late, kalaoh hatte tungah hong pua-in ka mual siangtho Jerusalem ah hong paipih ding uh hi, Topa in ci hi.

Piancilna 13:16

Na suanlekhakte, leitung leivui zahin tampi ka phasak ding hi. Mi khatpeuh in leitung leivui a sim theih leh na suanlekhakte zong kisim thei ding hi.

Hosea 1:9

Tua ciangin Topa in, “Na tapaʼ min dingin ka mi hi lo a cihnopna Loammi phuak in; bang hang hiam cih leh no Israel mite, ka mi na hi nawn kei uh a, kei zong noteʼ Pasian ka hi kei hi,” a ci hi.

Piancilna 22:17

Nang thupha kong pia taktak dinga, na suanlekhakte van a aksite le tuipi gei-a sehnel bangin tampi ka phasak ding hi. Na suanlekhakte in amauʼ galteʼ khuapite luah ding uh a,

Hebru 11:12

A cimang khinin a kingaihsun hih mi khatʼ suanlekhakte pen van a aksi zah leh tuipi gei-a sehnel zahin a tam hi.

Piancilna 32:12

Ahih hangin nangmah in, ‘Na tungah hoihna kong bawl dinga, na suanlekhakte tuipi sehnel zahin a honpi a kisim thei loin ka bawl ding hi,’ nong ci hi,” a ci hi.

Jeremiah 33:22

Van a aksite kisim zo loin, tuipi a sehnelte a kiteh zawh loh bangin keimah in ka nasem pa Davidʼ suanlekhakte ahi a, siampi Levi minamte ahi zongin ka pungsak den ding hi,” hong ci hi.

Isaiah 48:19

Na tu le na tate sehnel zah pha dinga, na suanlekhakte sehnel vui zah pha ding hi. Keima mai ah amauteʼ min kiphiat khia lo dinga, kisusia ngei lo ding hi, a ci hi.

ROM (Romans) 8:19

Pasianʼ bawl sa khempeuh in Pasianʼ tate a hong kilahkhiat hun ding lawp mahmah in a ngak uh hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen koteʼ Pa na hi hi. Topa aw, nang pen koteʼ Pa na hi a, nangmah in tanglai pek pan kote a hong hon khia pa na hi hi.

Isaiah 64:8

Ahi zongin Topa aw, nang pen koteʼ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Isaiah 65:1

Keima miteʼ thungetna a pia dingin a baih sa-in kei om napi-in, amaute in hong ngen lo uh hi. Amauteʼ muh dingin kei om napi-in, amaute in hong zong beek lo uh hi. Minamte tungah, “Hih lai ah om ing, hih lai ah om ing,” ci-in a dawng pah dingin kiging napi-in, amaute in kei tungah thu hong ngen lo uh hi.

Daniel 6:26

Ka gam sunga om mi khempeuh in Danielʼ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo dinga, a vangliatna a bei ngei kei ding hi.

2 SAMUEL NIHNA 7:24

Nangmah in nangma mi ahi tawntung dingin na mi Israel-te nangma adingin na kipsak hi. Topa aw, nangmah, amauteʼ Pasian na suak hi.