Hebru 9:28 - Tedim Bible Revision 2017

²⁸ mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

Tedim Bible

²⁸ tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

Hebru 9:28 Referans Kwoze

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

ROM (Romans) 6:10

Ama sihna pen mawhna thu tawh kisai-a sihna hi a, sih kikkik kul loin a kuamah peuh zong khatvei bek a kisi ahi hi. Tu-a a nuntakna pen Pasianʼ thu tawh kisai-a nuntakna ahi hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong hon khia ahih manin lungdamin kipak ni,” kici ding hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

ROM (Romans) 8:23

Pasianʼ bawl sa nate bek hi lo a, Pasianʼ hong piakkhong Kha Siangtho maleep a ngah eite mahmah nangawn in zong, Pasian in ama tate-in hong bawlin i buppi-in a hong suahtaksak ding i ngak kawmin thumin tau-in i om hi.

1 JOHAN MASA 3:2

Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kila to hih Jesu pen, vantungah a pai toh na muh uh bang teekteek mahin khatvei hong pai sukkik ding hi,” a ci uh hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

2 PETER NIHNA 3:12

vantungte mei in kangtumin, vantung nate sa lua-in a tui mang ding hun Pasianʼ Ni hong tun baih theih nadingin na hih theih zahun hanciam unla, na ngak un.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 KORIN MASA 15:54

A muat thei pen a muat thei lo hong suakin, a si thei pen a si thei lo hong suah ciangin Lai Siangtho thu hong tung taktak ding hi. Lai Siangtho in, “Sihna maimangin gualzawhna in khup let hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Johan 14:3

Kei va pai-in noteʼ om nading mun ka va bawl kholh khit ciangin keima omna munah note na hong om theih nadingun note a hong la dingin ka hong paikik ding hi.

Mangmuhna 1:7

En un, amah hong paita dinga, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

1 JOHAN MASA 3:5

Khris pen mawhna a nei het lo hi a, miteʼ mawhna a la khia dingin Khris hong kilang ahihna thu na thei uh hi.

2 THESALONIKA NIHNA 2:1

Sanggamte aw, i Topa Jesu Khris hong pai nading thu le amah a dawn dingin eite i kikhop nading thu tawh kisai-in note kiangah kong thum nopna uh panin:

1 KORIN MASA 1:7

i Topa Jesu Khris hong kilatkik ding ngakin na om hun sungun thupha na ngah loh uh khat beek om lo hi.

ROM (Romans) 5:15

Ahi zongin Pasianʼ hong piak letsong pen Adamʼ mawhna tawh kibang lo ahih manin tua tegel tehkak theih ding hi lo hi. Tua mi khat a khialhna hangin mi tampi a sihna pen a man mah ahi hi. Ahi zongin Pasianʼ hong itna le hong hehpihna nakpi takin lian zaw lai a, mi khat ahi tua Jesu Khrisʼ hehpihna hangin mi tampi tak tungah hong kipia letsong lian mahmah hi.

Zekhariah 14:5

Hinnom kuam sung kivukcip dinga, Judah kumpi Uzzahʼ hun lai-in zinlinna a, a kivukcip mah bang ding hi. Tua ciangin Topa ka Pasian hong pai dinga, a mi siangthote khempeuh hong tonpih ding hi.

Hebru 9:25

Kum simin Siangtho Pen Munah Jew Siampi Lian pente amauʼ sisan ahi lo, ganhing sisan tawh a pai zelzel bangun amah va pai themthum lo hi.

Siampi Laibu 10:17

“Note in mihonte adingin Topaʼ mai ah kilemna bawlin, amauʼ mawhna a kilakkhiat theih nadingin noteʼ tungah hong kipia sa a siangtho sa pen khialhna hanga biakna hi napi, bang hangin a siangtho mun khat ah ne lo na hi uh hiam?

Gamlak-vakna 18:23

Ahih hangin Levi mite in kikhopna buk nasep sem ding uh a, amaute in a tavuan uh pua ding uh hi. Tua pen amauʼ khang tawntungin ngeina kip hi dinga, amaute in Israel miteʼ lakah luah nei lo ding uh hi.

Gamlak-vakna 18:1

Tua ciangin Topa in Aaron kiangah, “Nang le na tapate le na behte in biakbuk sung nasepnate tawh kisai-in khialhna a om leh mawhna na pua khawm ding uh hi. Ahi zongin nang le na tapate in na siampi nasepna uh tawh kisai-in khialhna a om leh no teng bek in mawhna na pua ding uh hi.

Gamlak-vakna 7:33

meihal biak nadingin bawngtalno khat, tuutal khat, kum khat a pha tuuno a pa khat;

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

ROM (Romans) 3:25

Ama hong sihna hangin mawhna a kimaisak theih nadingin Pasian in Jesu hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 10:10

Pasianʼ deihna bangin Jesu Khris gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Juda 1:21

I Topa Jesu Khris in a hong hehpihna tawh nuntak tawntungna hong piak ding na ngakkawmun Pasianʼ itna sungah na kip un.