Hebru 9:24 - Tedim Bible Revision 2017

²⁴ Tua ahih manin a lim ahi mihingteʼ bawl Siangtho Mun sungah Jesu pai lo a, vantung mahmah ah va pai-in Pasianʼ omna ah eiteʼ tangin tu-in amah a va kilaak ahi hi.

Tedim Bible

²⁴ Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Hebru 9:24 Referans Kwoze

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 9:23

A taktak ahi lo vantung limte pen hih bangin siansuahna kibawl hi. Ahi zongin vantung nate in hih sangin a hoih zaw biakpiakna kisam hi.

Hebru 8:2

Amah in, miteʼ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Kolose 3:2

Vantungah a om thute ngaihsutin nei unla, leitungah a om thute ngaihsutin nei kei un.

ROM (Romans) 8:33

Pasian in mawh lo hi, ci-in a gen khit sa ahih manin, Pasianʼ teel sa mite tungah kua in mawhna guan thei nawn ding ahi hiam?

Sawltak 3:21

Pasian in ama kamsang mi siangthote tungtawnin tanglai-in a gen kholh sa bangin, na khempeuh a thakin a kibawl hun dong mateng vantungah Jesu a om ding ahi hi.

Luka 24:51

Amaute thupha a piak laitakin amaute kiang panin pai khia-in vantungah amah a kila to hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Marka 14:58

“Mihingteʼ lam hih biakinn ka susia dinga, ni thum khit ciangin mihingteʼ lam ahi lo a dang khat ka lam ding hi,” a cihna ka za uh hi, ci-in hong gen uh hi.

Paikhiatna 28:29

“Tua ahih ciangin Topaʼ mai ah phawk tawntung nadingin amaute a paipih dingin siangtho munah amah a pai ciangin, Aaron in ama lungtang tunga om thukhenna awmdal sungah Israel tapateʼ min pua ding hi.

Mangmuhna 8:3

Tua ciangin kham kibawl paknamtui kuang a tawi vantungmi a dang khat hong pai-in biakna tau mai ah a ding hi. Pasianʼ mite in thungetna-in a zat paknamtuite tawh hal beh ding le tokhom mai ah a om kham kibawl biakna tau tungah piak dingin amaute tungah paknamtui tampi tak a kipia hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Hebru 9:9

Hih bang om zia pen tu hun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia miteʼ lungsim siangsak zo lo hi.

Hebru 8:5

Leitung a siampiteʼ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.

Hebru 6:20

Tua lai munah eiteʼ tangin Jesu na ma tun khinta a, siampi Melkhizedek gui zui-in a om tawntung ding siampi lianpen a suak hi.

Hebru 1:3

Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Johan 6:62

Mihing Tapa ama omna ngei ah a ciah tokik a mu hi le-uhcin bang na ci ding uh hiam?

Zekhariah 3:1

Topa in maang hong musak a, Topaʼ vantungmi mai ah siampi lianpen pa Joshuaʼ mawhna a zong dingin a kiangah Satan zong a om ka mu hi.

Late 68:18

Topa nangmah Pasian tua munah na om theih nadingin a sangna ah kah to-in salte na paipih a, mihonte le mi lehdoteʼ tung nangawn panin piakkhong nate na ngah hi.

Paikhiatna 28:12

Israel tapate phawkna suang dingin siampi puanʼ liangkaih puan tungah tua suang nihte na bulh ding hi. Aaron in ama liangko nihte tungah phawkphawk dingin Topaʼ mai ah amauteʼ min pua ding hi.

Mattiu 18:10

“Hih naupangnote khatpeuh na simmawh khak loh nadingun kidawm un. Note kiangah kong genin ah: Amaute a kem vantung mite pen vantungah ka Pa kiangah om tawntung uh hi.

2 KORIN NIHNA 5:1

Bang hang hiam cih leh hih ka teenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote adingin a hong bawlsak inn, vantungah a nei ding ka hihna uh ka thei uh hi.

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 9:1

A masa thuciamna nangawn in biak zia ding le biak nading mun tawh kisai ngeina na nei tei sam hi.