Hebru 8:9 - Tedim Bible Revision 2017

⁹ Egypt gam panin a paikhiatpih dingin a pu a pate uh ka khut tawh ka kaih lai a, amaute tawh ka bawl thuciamna bang hi lo ding hi. Amaute tawh ka bawl thuciamna zui lo uh ahih manin kei zong amaute ka don kei hi.

Tedim Bible

⁹ Egypt gam panin a paikhiatpih dingin a pu a pate uh ka khut tawh ka kaih lai a, amaute tawh ka bawl thuciamna bang hi lo ding hi. Amaute tawh ka bawl thuciamna zui lo uh ahih manin kei zong amaute ka don kei hi.

Hebru 8:9 Referans Kwoze

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amauteʼ pasal hi napi-in ka thuciamna a hong palsat uh hi, Topa in kong ci hi.

Galati 4:24

Hihte pen gentehna lim ahi hi. Hih nupi nihte pen thuciamna nam nih a lahna ahi hi. Sila a suak tate a hing khia nu Hagar hi a, Sinai Mual tunga kipia thuciamna a lahnopna ahi hi.

Marka 8:23

Jesu in tua mittaw paʼ khut lenin khua nawl ah a paipih hi. A mipaʼ mitah a cil a phih khit ciangin a khut tawh lawng a, “Na khat peuhpeuh na mu thei hiam?” ci-in a dong hi.

Sawltak 13:11

Tu-in Topa in nang hong su dinga, na mit taw-in tawl khat sung khua na mu kei ding hi,” a cih khit phetin, meii vom in Elymasʼ mit tuamcip a, a khut lenin amah a paipih ding mi a zawt kawikawi hi.

Sawltak 9:8

Saul zong leilak panin tho to a, a mit a hah hangin khua mu thei lo hi. Tua ahih manin a kikholhpihte in a khutin lenin Damaskas khua ah a paipih uh hi.

Malakhi 2:13

Noteʼ gamtatna a dang khat om lai hi. Tua pen, noteʼ paipih biaknate hong sang nawn lo ahih manin Topaʼ biakna tau, khitui tawh na kawtsak uh a, kapin thumin na om uh hi.

Amos 5:22

Meihal biakna le an tawh biakna nong paipih uh hangin tuate kong sang kei ding hi. Thunuam a biakpiak nadingin na hong paipih uh a thau mahmah ganhingte zong et-in ka nei vet kei ding hi.

Ezekiel 16:59

“Topa Pasian in hih bangin ci hi. Nang in i kamciamna le i thuciamna don lo na hih manin nangma gamtatna bangin nang tungah kong gamta hi.

Ezekiel 16:8

“Nang kong muh khakkik ciangin pasal nei thei ding hun na hi ta hi. Na pum guakin a om kimlai, ka puan tawh kong khuh a, na zumhuaina teng hong seelsakin, teenpih dingin kam kong ciam hi. Kong kamciamna tangtungsakin nang pen keima-aʼ nong suak hi, Topa Pasian in ci hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

Solomon la 8:5

Gamlak panin a lawmpa tawh khut kilen sa-in a hong paikhia kua ahi hiam? Nangmah na pianna mun, na nu in hong neihna mun, epel kung nuai panin nang kong phong hi.

Late 105:43

Tua ahih ciangin ama mite lungdamna tawh, ama teel mite lasakna tawh a paikhiatpih hi.

Late 78:57

a pu a pate uh mah bangin kihei khia-in a zuau gamtat uh hi. Thal gina lo bangin amaute a kihuiheek uh hi.

Late 77:20

Nangmah in Moses le Aaronʼ khut tawh nangma mite tuu hon bangin na makaih hi.

JOB (Job) 8:20

“Thei tel in; Pasian in cikmah hunin mawhbaang lo mite nil khia lo dinga, gamtat sia mite huh ngei lo ding hi.

Thu-hilhkikna 29:25

Tua ciangin mite in, ‘Amah in Egypt gam panin a paikhiatpih lai-in amaute tawh a bawl, a pu a pate uh Pasian ahi Topaʼ thuciamna amaute in nusia-in,

Thu-hilhkikna 29:1

Hihte pen, Horeb ah amaute tawh thuciamna a bawl sa banah, Israel mite tawh Moab gamah thuciamna a bawl dingin Topa in Moses a sawl, a thuciamna kammalte ahi hi.

Paikhiatna 34:10

Topa in Moses kiangah, “En in, keimah in thuciamna khat ka bawl hi. Nangma mi khempeuhʼ muhna ah, leitung khempeuh hitaleh minam khatpeuh sungah hitaleh cikmahin tua bang a kibawl ngei lo nalamdangte ka bawl dinga, noteʼ lakah a om mite khempeuh in Topaʼ nasepna mu ding uh hi. Bang hang hiam cih leh noteʼ tungah kong bawl ding na pen a kihtakhuai thu ahi hi.

Piancilna 19:16

Ahih hangin amah lungka-in om lai veve hi. Ahi zongin Topa in ama tungah hehpihna nei ahih manin, mite in amah le a zi le a tanu nihte a khut uh tawh manin, amaute in amah paikhiat pihin khua pua lamah koih uh hi.

Isaiah 41:13

Bang hang hiam cih leh keimah Topa na Pasian in na khut taklam ka len hi. “Lau kei in, nangmah kong huh ding hi,” nang tungah a hong ci pa keimah ka hi hi.

Kah la 4:16

Topa in amaute a zat nopna om nawn lo ahih manin amaute a thehthang hi. Amah in i makaite le i siampite a awlmawh nawn kei hi.

Isaiah 51:18

Na mite khempeuh sung panin nang a hong makaih ding kuamah om lo a, na khoi sa tapate khempeuh lak panin na khut a hong len ding kuamah om lo hi.

Paikhiatna 32:8

Ka thupiakna lampi panin amaute kihei khia pak uh hi. Amau adingin amaute in a kisung bawng no khat bawlin, tua bia-in a tungah biakna pia uh a, ‘Israel mite aw, hih pen Egypt leitang panin note hong paikhiatpih to na pasian uh ahi hi!’ ci uh hi,” a ci hi.

Sawltak 7:36

Amah in Egypt gam le San Tuipi ah lim le nalamdangte bawlin, Egypt gam panin Israel mite paikhiatpih a, gamlak ah kum sawm li sung amaute a makaih hi.