Hebru 8:8 - Tedim Bible Revision 2017

⁸ Tua ahih manin Pasian in ama mite mawhsakna thu na gen a, “Topa in hih bangin ci hi: Israel mite le Judah mite tawh thuciamna thak ka bawl ding hun hong tung ding hi.

Tedim Bible

^8-9 Tua mite Pasian in mawhsak a, thu a piakna in: “Keimah in hih mi pawlte a pute a pate’ khut uh kai-in, Izipt gam pan ka paipih ni-in, amau ka piak thuciamna tawh a kilamdang, Thuciamna thak, Israel’ innkuante leh, Judah’ innkuanpihte tawh ka bawl ding hun hong tung ding hi. Bang hang hiam na cih uh leh, ka piak thuciamna-ah a kip kei uh hi. Keimah in zong a mau don loin ka om hi.

Hebru 8:8 Referans Kwoze

Hebru 12:24

thuciamna thak a hong vaihawm Jesu kiang, Abelʼ sisan sangin thu hoih zaw a gen sisan a kithehna mun na tung zo uh hi.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtak nading uh lungsim ka guan ding hi.

Hebru 9:15

Thuciamna masa in a huam khak mite, a mawhna panun a suahtak theih nading uh ngeina om pen a si suak khinta ahih manin, Pasianʼ sap mite in a ciam sa tawntung thupha a ngah theih nadingun Khris in thuciamna thak a hong vaihawm ahi hi.

2 KORIN NIHNA 3:6

Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hi loin Kha Siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zongin Kha Siangtho in nuntakna hong pia hi.

1 KORIN MASA 11:25

Tua mah bangin nitak an a nek khit uh ciangin hai la a, “Hih hai sunga om leenggahzu pen keima sisan tawh a kikipsak Pasianʼ thuciamna thak ahi hi. Hih bangin na dawn simun, kei na hong phawk nadingun na dawn un,” ci hi.

Luka 22:20

Tua mah bangin an a nek khit uh ciangin amaute tungah hai pia a, “Hih leenggahzu pen note adingin a luang khia, Pasianʼ thuciamna thak a kipsak ka sisan ahi hi.

Ezekiel 37:26

Amaute lungmuangin a om tawntungna ding uh thuciamna khat ka bawl dinga, amaute thupha pia-in a mi ka pungsak ding hi. Amauteʼ lakah a om tawntung dingin ka biakinnpi ka phut ding hi.

Jeremiah 31:38

Topa in kong cih in ah, “Hananel Tausangpi panin khuakulh Kiu Kongpi dongin khuapi a kibawl phat hun hong tung ding hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Marka 14:24

Tua ciangin amaute kiangah, “Hih pen mi tampite adingin a luang, thuciamna thak a kipsak keima sisan ahi hi.

Jeremiah 31:27

Topa in kong cih in ah, “Israel gam le Judah gam, mihing le ganhing tawh ka dimsak hun hong tung ding hi.

Jeremiah 30:3

Bang hang hiam cih leh Topa in kong cih in ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piak sa gamah ka tunpihkik dinga, amaute in tua gam a tangkik ding uh hi, Topa in kong ci hi,” hong ci hi.

Jeremiah 23:7

“Tua ahih manin en un, Topa in kong cih in ah, mite in, ‘Egypt gam panin Israel mite a hong paikhiatpih Topa a nuntak bangin,’ ci-in a kiciam nawn kei ding uh a,

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Luka 17:22

Tua ciangin Jesu in nungzuite kiangah, “Ni khat ni ciangin Mihing Tapa ni khat sung bek nangawn na muhnop hun uh hong tung dinga, ahi zongin na mu kei ding uh hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

Thu-hilhkikna 29:14

Hih kiciamna note bek tawh a bawl hi lo a,

Hebru 7:22

Hih bangin a kilamdang diakin a kibawlna in Jesu pen kiciamna hoih zaw ahihna thu hong kilangsak hi.

Hebru 8:6

Tua ahih manin Pasian le mite kikalah Jesu in a bawl thuciamna pen na a hoih zaw piak nading thuciamna ahih mah bangin Jesu tungah a kipia siampi nasep pen siampi dang khempeuhteʼ sep sangin a lian zaw ahi hi.

Hebru 8:13

Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimang ta ahi hi.

Luka 5:38

Tua ahih manin savun um thak sungah leenggahzu thak a kikoih ding ahi hi.