Hebru 8:3 - Tedim Bible Revision 2017

³ Pasian tungah letsong a tuamtuamte a pia ding le ganhing tawh biakna a pia dingin siampi lianpen a sem peuhpeuhte a kiseh ahih mah bangin eiteʼ Siampi Lianpen pa in zong bang khat teitei a piak ding kisam hi.

Tedim Bible

³ Siampi ukpa khempeuh in biakna leh piakna pia dingin a kikoih ahih ciangin hih siampi ukpa in zong biak nading na khatpeuh mah a nei ding hi.

Hebru 8:3 Referans Kwoze

Hebru 5:1

Siampi lianpen ahi peuhpeuh mipa pen a miteʼ mawhna hangin Pasianʼ tungah biakna le letsong a piaksak dingin ama mipihte lak panin kiteelin nasep a kiguan ahi hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

ROM (Romans) 4:25

Eiteʼ mawhna hangin a si dingin Jesu kipia a, Pasian tawh eite i kipawl theih nadingin kihingkiksak hi.

ROM (Romans) 5:6

Eite cimawhin i om laitakin Pasianʼ hoihsak hunin ei migilote adingin Khris hong si hi.

ROM (Romans) 5:8

Ahi zongin eite mawhna nei ihih laitakin eite adingin Khris hong si ahih manin Pasian in eite hong it mahmahna thu hong lak khin hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Hebru 3:1

Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

Hebru 8:4

Jew Thukham tawh kizui-in Pasian tungah letsongte a pia ding siampite om khinta ahih manin leitungah Jesu a om lai hileh siampi hi thei het lo ding hi.