Hebru 7:27 - Tedim Bible Revision 2017

²⁷ Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Tedim Bible

²⁷ Siampi ukpa dangte in, a masa-in amau mawhna uh taang ding ahi zongin, tua nung ciangin midangte mawhna –uh taang ding ahi zongin, nisimin biakna a piak uh bangin tua Topa in biakna a piak ding a kisam kei hi. Bang hang hiam na cih uh leh, ama pumpi tawh mite ading khatvei bek a piak hang ahi hi.

Hebru 7:27 Referans Kwoze

Hebru 9:28

mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

Hebru 9:12

Siangtho Pen Mun ah a tawntungin a kimang dingin khatvei bek Khris a va lut ciangin biakpiak nadingin keel sisan le bawng no sisante va keng loin ama sisan va keng a, eite adingin tawntung hotkhiatna a hong ngahsak hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Hebru 5:3

Amah zong mi ginalo mi mah ahih manin miteʼ mawhna hangin biakna a pia hi bek loin ama mawhna mahmah hangin zong biakna a pia ahi hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

ROM (Romans) 6:10

Ama sihna pen mawhna thu tawh kisai-a sihna hi a, sih kikkik kul loin a kuamah peuh zong khatvei bek a kisi ahi hi. Tu-a a nuntakna pen Pasianʼ thu tawh kisai-a nuntakna ahi hi.

Hebru 9:25

Kum simin Siangtho Pen Munah Jew Siampi Lian pente amauʼ sisan ahi lo, ganhing sisan tawh a pai zelzel bangun amah va pai themthum lo hi.

Siampi Laibu 16:11

“Aaron in a mahmah adingin khialhna hanga biakna-in a bawngtal pia-in, amah le a innkuanpihte adingin kilemna bawl dinga, a mahmah adingin khialhna hanga biakna-in a bawngtal go ding hi.

Hebru 9:7

Ahi zongin a dei sung nung sungah Siampi Lianpen pa bek kum khatin khatvei pai a, theih loh man a, amah le miteʼ khialhna hangin ganhing sisan tawh biakpiakna a bawl hi.

Hebru 5:1

Siampi lianpen ahi peuhpeuh mipa pen a miteʼ mawhna hangin Pasianʼ tungah biakna le letsong a piaksak dingin ama mipihte lak panin kiteelin nasep a kiguan ahi hi.

Siampi Laibu 16:15

“Tua ciangin amah in mite ading ahi khialhna hanga biakna keel go-in, dalna puan sungah a si paipih dinga, bawngtal si a theh mah bangin a si thehin, hehpihna tokhom tung le hehpihna tokhom mai ah theh ding hi.

Siampi Laibu 16:6

Aaron in a mahmah adingin khialhna hanga biakna-in a bawngtal pia-in, amah le a innkuanpihte adingin kilemna bawl ding hi.

Efesa 2:22

Note zong midangte tawh kigawmin ama tungah na kilam uh a, Kha Siangtho-in Pasian a ten nading inn na suak uh hi.

Ezekiel 43:19

Zadokʼ suanlekhak Levi siampite pen keima na a sem dingin ka omna ah a hong pai dingte ahi uh hi. Topa Pasian keimah in hih thu kong pia hi. Mawhna hangin biakna-a piak dingin amaute tungah bawngtal khat na pia ding hi.

Hebru 8:4

Jew Thukham tawh kizui-in Pasian tungah letsongte a pia ding siampite om khinta ahih manin leitungah Jesu a om lai hileh siampi hi thei het lo ding hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.