Hebru 6:2 - Tedim Bible Revision 2017

² tuiphumna le khut ngakna thu, misite thawhkikna le tawntung gim thuakna, cih thute genpha sansan nawn kei ni.

Tedim Bible

² tuiphumna le khut ngakna thu, misite thawhkikna le tawntung gimthuakna, cih thute genpha sansan nawn kei ni.

Hebru 6:2 Referans Kwoze

Sawltak 6:6

Amaute in sawltakte kiangah hih mite paipih uh a, sawltakte in a lu tung uh ah a khut uh nga-in thu a ngetsak uh hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Sawltak 23:6

Paul in tua uliante lakah Saddusi mi le Farisi mi a om lam a muh ciangin amaute kiangah, “Lawmte aw, kei pen Farisi miteʼ suan ahi Farisi mi ka hi hi. Misite hingkik ding hi, ci-in lamenin upna ka neih manin hih lai ah thusitna ka thuak hi,” a ci hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawl khat, Paul tawh thu kinial uh a, “Hih mi kipilsak thu mawk gengen pa in bang gen nuam ahi hiam?” cih san uh a, pawl khat in, “Minam dangteʼ pasian thu a gen tawh kibang hi,” a ci uh hi. Paul in Jesu thu le a thawhkikna thu hilh ahih manin hih bangin a gen uh ahi hi.

Sawltak 16:33

Tua zankim lai takpi mahin thongcing pa in amauteʼ liammate sawp siangsak a, amah le a innkuan pih mi khempeuh a kituiphum pah uh hi.

Sawltak 16:15

Amah le a inn sunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak uh leh hong pai unla, ka inn ah hong tung un,” ci-in hong samin a hong zol hi.

Sawltak 10:47

“Eite mah bangin hih mite in zong Kha Siangtho ngah uh hi. Tui sungah a kiphum ding uh kuaʼn kham thei ding ahi hiam?” ci-in a gen khit ciangin,

Sawltak 2:41

Mi tampi in ama thugen umin tui kiphum uh a, tua ni-in mihing tul thum bang kibehlap uh hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong pai sukin a omna mipa pen Kha Siangtho sungah mite a phum ding pa ahi hi,’ ci-in hong gen khol hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Daniel 12:2

A si sa mi tampite in nuntakna a ngahkik ding uh hi. Pawl khatte nungta tawntung ding uh a, pawl khatte in a tawntung zumna le min siatna a ngah ding uh hi.

Thuhilh-sia 12:14

A pha hitaleh a sia hitaleh a simthamin ihih simte nangawn ihihna khempeuh ah Pasian in thu hong khen ding hi.

2 PETER NIHNA 3:7

Tu-in tua Pasianʼ kampauna mah tawh, mei tawh hal tum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawl khatte in a hoih zaw nuntakna ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

2 TIMOTI NIHNA 2:18

Thuman lampi panin amaute pial khin uh a, thawhkikna thu pen a beisa thu hi ta hi, ci-in thu um mi pawl khat lungmangsak uh hi.

Kolose 2:12

Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.

Filippi 3:21

Amah in na khempeuh ama khutnuai ah koihna-in a zat vangliatna mah tawh a gina lo i leitung pumpi pen ama aʼ mah bangin a minthang pumpi tawh hong kheelsak ding hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuʼ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

1 KORIN MASA 10:2

Meiipi sung le tuipi sungah ama nungzui a suak dingin Moses sungah amaute na kiphum uh hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesu Khris thu a khensak Ni ciangin, tu-a kong gen bang teekteekin a hong piang ding ahi hi.

Sawltak 26:8

Bang hangin no Jew mite in Pasian in misite a thawhkiksakna thu um thei lo na hi uh hiam?

Sawltak 24:21

Amauteʼ mai ah, ‘Misite hingkik ding hi, ci-in ka upna hangin kei tungah thu nong khen uh hi,’ ci-in ka gen sim loh amauteʼ heh nading bangmah om lo hi,” ci-in thu a gen hi.

Sawltak 24:15

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesu thokik hi, ci-in mite kiangah thu hilh uh ahih manin nawngkai a sa uh hi.

Johan 5:29

han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Luka 11:38

Jesu in khut sil masa loin an a neklam a muh ciangin Farisi mipa in lamdang sa mahmah hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpi takin a lian zaw khat hong pai lai ding hi. Ama khedap khau a sutsak ding nangawnin kei ka kilawm zo nai kei hi. Amah in Kha Siangtho le mei sungah note hong phum ding hi.

Marka 7:8

Note in Pasianʼ thukham nawl khinin, mihingteʼ thuhilhna na zui zawsop uh hi,” a ci hi.

Marka 7:4

Nek theih zuakna panin a kilei nate zong amau teek mah in a sawp kei uh leh ne lo uh hi. Khanglui ngeina a zuih uh, hai khawng, beel khawng, sumngo kibawl beellekuang khawngte sawp ding cih ngeina a zuih uh tampi om hi.)

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawm zaw kimlai, keiʼ phum dingin nang hong pai zawsop na hi hiam?” a na ci hi.

2 KORIN NIHNA 5:10

Bang hang hiam cih leh Khris mai ah thusitna a thuak dingin eite khempeuh a kilak ding ihi a, leitung i pumpi-in i om lai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Sawltak 13:3

Amaute in zong an tangin, a lu tung uh ah a khut uh nga-in thu a ngetsak khit uh ciangin a kuan khiasak uh hi.

Isaiah 26:19

Nangma mi a si sate hingkik ding uh a, amauʼ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi a a si sa mite Topa in hingkiksak ding hi.