Hebru 6:19 - Tedim Bible Revision 2017

¹⁹ I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

Tedim Bible

¹⁹ Tua lametna in puan dalna sungah tumin, lungsim kipna siklum bangin eite ading a om hi.

Hebru 6:19 Referans Kwoze

Late 43:5

Bang hangin kha kunkun a, lunghimawh niloh ka hi hiam? Pasian sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Siampi Laibu 16:15

“Tua ciangin amah in mite ading ahi khialhna hanga biakna keel go-in, dalna puan sungah a si paipih dinga, bawngtal si a theh mah bangin a si thehin, hehpihna tokhom tung le hehpihna tokhom mai ah theh ding hi.

Siampi Laibu 16:2

Topa in Moses kiangah, “Thuciamna singkuang tunga om hehpihna tokhom mai, dalna puan sung lam a siangtho munah a hun lopi-in hong pai nawn loh nadingin na sanggampa Aaron kiangah gen in. A hun lopi-in hong pai leh amah si ding hi. Bang hang hiam cih leh tua mun pen hehpihna tokhom tunga meii sungah kei ka kilatna mun ahi hi.

Hebru 9:7

Ahi zongin a dei sung nung sungah Siampi Lianpen pa bek kum khatin khatvei pai a, theih loh man a, amah le miteʼ khialhna hangin ganhing sisan tawh biakpiakna a bawl hi.

Hebru 9:3

Tua Siangtho Mun a kideina zomah Siangtho Pen Mun a kici a dei dang khat om leuleu hi.

Mattiu 27:51

Tua laitakin biakinn sung deina puan, a lu panin a taw dongin kikekin phel nih a suak hi. Zin zong liingin suangtumpite kitam hi.

Kolose 3:1

Note pen Khris tawh a thokik khinte na hih manun, Pasianʼ taklam a kumpi tokhom tungah Khris a tutna mun vantung thute ngaihsutin nei un.

Late 42:11

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

Sawltak 27:29

Ka teembaw uh le suang a kitah khak ding lau uh ahih manin teembaw nung lam panin teembaw khawlsakna sikkawipi li khia suk uh a, khuavak ding ngakin ka om uh hi.

ROM (Romans) 4:16

Tua ahih manin Abrahamʼ suanlekhakte khempeuh tungah Pasianʼ hehpihna piakkhong a suah theih nadingin Thukham a zuite bek in ngah loin, Abrahamʼ up bangin a umte in zong a ngah theih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuhʼ pupi ahi hi.

Sawltak 27:40

Tua ahih ciangin teembaw khihna sikkawipi khaute sattatin tui sungah khia suk uh a, teembaw heina a kizang sing peekpi khihna khaute zong a sut uh hi. Tua ciangin huih in hong mutin tui gei lamah ka pai theih nadingun a mailam a teembaw puan a sang khai uh hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-et sa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuak lo ding hi,’ ci-in kigelh hi.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

Efesa 2:6

Khris Jesu tawh eite i kipawlna hangin vantungah amah tawh i uk khawm theih nadingin sihna panin Pasian in a hong thokhawmsak hi.

Late 42:5

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

Late 39:7

Tu-in Topa aw, keʼn, bang ngak lai ding ka hi hiam? Keima lametna nangma sung bekah om hi.

Zekhariah 9:12

Lametna a om no salte aw, ciahkik unla, a muanhuai mahmah na mun ngei uh zuankik un. Noteʼ thuakna sa a zah nihin thupha ka hong piak nading tu ni-in note kiangah kong gen hi.

Sawltak 23:6

Paul in tua uliante lakah Saddusi mi le Farisi mi a om lam a muh ciangin amaute kiangah, “Lawmte aw, kei pen Farisi miteʼ suan ahi Farisi mi ka hi hi. Misite hingkik ding hi, ci-in lamenin upna ka neih manin hih lai ah thusitna ka thuak hi,” a ci hi.

ROM (Romans) 4:18

Lai Siangtho sungah, “Na suanlekhakte aksi zahin tam ding hi,” ci-in a kigelh mah bangin tua bang a pian theih nading lametna a om nai lopi mahin Abraham in umin lamen ahih manin minam tampiteʼ pupi a suak hi.

ROM (Romans) 5:4

thuak zawh hatna in Pasianʼ pahtakna hong ngahsak a, ama hong pahtakna in lametna lianpi hong neisak ahihna thu i thei hi.

1 KORIN MASA 13:13

Tu laitakin a om lai thu thumte pen upna, lametna le itna hi a, tua thumte sung panin itna mah a thu lian pen ahi hi.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,