Hebru 6:17 - Tedim Bible Revision 2017

¹⁷ Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Tedim Bible

¹⁷ Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Hebru 6:17 Referans Kwoze

Hebru 6:18

Tua hi a, a kikheel thei lo thu nih kithuap ahih manin Pasian in zuaugen thei lo ding hi. Tua hi a, amah a beel eite in eite mai ah hong kikoih lametna thu kip takin i let cip nadingin i tha hong nuamsak hi.

Paunak 19:21

Mihingʼ ngaihsutna ah thu tampi om a, ahi zongin Topaʼ deihna tawh a kituakte bek kimang ding hi.

Isaiah 55:11

keima kam panin a paikhia ka thu zong tua mah bang ding hi. A hawmpi-in kei kiangah hong tungkik lo dinga, keima ngimna sa bangin tangtungsakin, amah ka sawlna thu tangtun ding hi.

Hebru 11:9

Pasian in piak dingin a ciam gamah a upna hang mah tawh gam dangpi hi napi-in peemta-in va om phot a, ama ngah bangin thuciamna a ngah a ta Isaac le a tu Jakob tawh puanbuk peuh ah a om phot uh hi.

Isaiah 14:24

Vanglian Topa kiciam khin a, “Ka geel sa bangin piang dinga, ka ngimna sa bangin kip ding hi.

Late 110:4

Topa in thu ciam zo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

Johan 10:10

Gutate pen a gu ding, a that ding le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neih theih nadingun a hong pai ka hi hi.

Late 33:11

Topaʼ thungaihsutna kip ngitnget a, ama lungsim ngaihsutna khang tawntungin a kip hi.

1 PETER MASA 3:7

Tua mah bangin pasalte aw, note sangin na zite uh a thahat lo zaw deuh ahihna thu na phawk un. Note mah bangin Pasianʼ piak nuntakna a ngahte ahih uh manin na zite uh zahtak bawl un. Tua hileh na thungetna uh bangmah in hong nawngkaisak lo ding hi.

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Hebru 6:16

Mi khat peuhpeuh in thu a ciam ciangin amah sangin a lian zaw khatʼ min tawh kiciam ahih manin, thu kituhnate ah tua thuciamna pen a tawpna hi ta hi.

Hebru 6:12

Note thadah loin upna le lungduaina a nei mite bangin, Pasianʼ hong ciam sa thu na ngah nadingun ka hong deihsak uh hi.

Galati 3:29

Khris tawh na kipawl nak uh leh Abrahamʼ suante na hi ta uh a, Pasianʼ hong khap thute a ngah ding na hi uh hi.

ROM (Romans) 11:29

Bang hang hiam cih leh Pasian in a teel mite le thupha a piak mite tawh kisai-in a thu dokkik lo hi.

Malakhi 3:6

“Kei, Topa ka hi a, lungsim a kheel lo mi ka hi hi. No Jakob suanlekhakte aw, a sia cimit na hi nai kei uh hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Solomon la 5:1

Itluat ka lawmnu aw, ka huan sung hong tung zo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Paikhiatna 22:11

amah in a veengpaʼ neihsa a gu kha hiam cih a kitheih nadingin amau tegelʼ kikalah Topa tawh kiciamna om ding hi. A nei pa in tua kiciamna sang dinga, amah in loh lo ding hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Late 36:8

Na inn sunga na tampite tawh amaute nuamsa uh a, na hoihna gun panin amaute na dawnsak hi.

Piancilna 26:28

Amaute in, “Nang tawh Topa a omna teltakin ka mu uh hi. Tua ahih ciangin, kote in nang hong su kha loin, nangʼ tungah bangmah hong hih loin, a hoihin gamta-in lungnuam takin kong sawlkhiat mah bangun koteʼ tungah nang in siatna nong bawl loh nadingin nang le koteʼ kikalah kiciamna khat om henla, nang tawh thuciamna khat bawl ni, a ci hi ung. Nang pen tu-in Topaʼ thupha piak na hi hi,” a ci uh hi.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.