Hebru 6:14 - Tedim Bible Revision 2017

¹⁴ “Nang thupha hong pia-in suanlekhak tampi a nei dingin ka hong ciam hi,” a ci hi.

Tedim Bible

¹⁴ “Nang a man takpi thupha kong pia ding hi, nang a man takin kong khangsak ding hi,” ci-in a ciam hi.

Hebru 6:14 Referans Kwoze

Piancilna 22:17

Nang thupha kong pia taktak dinga, na suanlekhakte van a aksite le tuipi gei-a sehnel bangin tampi ka phasak ding hi. Na suanlekhakte in amauʼ galteʼ khuapite luah ding uh a,

Thu-hilhkikna 1:10

Topa na Pasian un note tampi hong phasak zo hi. En un, note tuhunin vantung aksite zahin tampi na pha uh hi.

Nehemiah 9:23

Nangmah in amauʼ suanlekhakte van a aksi zahin sim zawh lohin na tamsak a, a pu a pate un a luah dingin na piak dingin na ciam sa gamah amaute na paipih hi.

Paikhiatna 32:13

Amauteʼ tungah nang mahmah kiciamin, ‘Na suanlekhakte uh vantung aksi bangin tamsakin, keimah in ka ciam sa hih leitang khempeuh na suanlekhakte uh tungah ka pia dinga, amaute in luah tawntung ding uh hi,’ na cihna na nasemte Abraham, Isaac le Israel phawk in,” a ci hi.

Piancilna 17:2

Nang tawh thuciamna ka bawl dinga, nang tampi tak kong phasak ding hi,” a ci hi.

Piancilna 48:4

kei kiangah, ‘En in, nang hong pungsakin, mihing hon khatin hong bawlin, nangʼ khit cianga na suanlekhakteʼ tungah a neih tawntung dingun hih leitang ka pia ding hi,’ hong ci hi.

Piancilna 22:16

“Kei mahmah ka kiciam hi, Topa in ci hi. Bang hang hiam cih leh nang in hih thu na bawl khin a, na tapa neihsun na humcip kei hi.

Thu-hilhkikna 1:8

En un, noteʼ mai ah leitang ka koih zo hi. Pai unla, Topa in na pate uh Abraham, Isaac, Jakob le amauʼ nung a a suanlekhakte uh tungah piak dingin a ciam leitang luah un,’ hong ci hi.

Galati 3:18

Pasianʼ hong piakkhong pen Thukham zuihna hang tawh a kingah hi mawk lehpiak ding hong ciamna hangin a kingah hi nawn lo ding hi. Ahi zongin Pasian in Abraham tungah letsong a piakna pen a thuciamnasa tawh kizui-in a piak ahi hi.

1 PETER MASA 3:9

Hong bawlsiate siatna tawh thukkik loin hong samsia mite samsiakik kei unla, Pasian in note a hong sap lai-in thupha a hong piak dingin hong ciam sa ahih manin, hong siat bawlte thupha tawh na thuk zaw un.