Hebru 6:12 - Tedim Bible Revision 2017

¹² Note thadah loin upna le lungduaina a nei mite bangin, Pasianʼ hong ciam sa thu na ngah nadingun ka hong deihsak uh hi.

Tedim Bible

¹² Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

Hebru 6:12 Referans Kwoze

Hebru 13:7

Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Hebru 10:36

Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.

1 JOHAN MASA 2:25

Khris in eite tungah piak dingin a hong ciam sa thu pen hih nuntak tawntungna ahi hi.

ROM (Romans) 12:11

Thadah kei unla, nakpi takin na sem un. Lawp mahmahna lungsim tawh Topaʼ na sem un.

Hebru 5:11

Hih thu tawh kisai-in i gen ding tampi a om hangin note in thu thei hak mahmah na hih manun i gen tel theih nading haksa hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Jeim 1:3

Tua bangin na upna uh hong kize-etna na thuak zawh uh ciangin na kipna uh hong kilangsak ahihna thu na thei uh hi.

Hebru 12:1

Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

ROM (Romans) 4:12

A vun a ki-at ma-in i pupi Abraham a upna hangin a gamtat mah bangin a gamta, a vun a ki-at mite adingin zong Abraham pen pupi mah ahi hi. Tua pen vun ki-at lelna hang hi loin upna hang ahi hi.

ROM (Romans) 2:7

Pahtakna, minthanna le hin tawntungna deihin a gamtat hoih tawntung mite tungah Pasian in nuntak tawntungna pia dinga,

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Hebru 11:33

Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasianʼ thuciam a ngah uh hi. Upna hang mah tawh humpinelkai kamte hucip uh a,

Hebru 6:15

Abraham in lungduai takin na ngak ahih manin Pasianʼ thuciam a ngah hi.

2 THESALONIKA NIHNA 1:4

Bawlsiatna le gimna na thuakna khempeuh uh ah na upna uh khahsuah loin thuak zo paisuak na hih manun midangte kiangah Pasianʼ pawlpi ka na kisialh pih uh hi.

Luka 8:15

Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Mattiu 22:32

Pasian in, ‘Kei pen Abrahamʼ Pasian, Isaacʼ Pasian, Jakobʼ Pasian ka hi hi,’ ci hi. Pasian pen a si miteʼ Pasian hi loin a nungta miteʼ Pasian ahi hi,” a ci hi.

Paunak 15:19

Mi thadahte in mun khempeuh ah haksatna tuak a, mi thumante in haksatna tuak kha lo hi.

Paunak 13:4

Thadah mi in a deih ngah zo lo a, nasep hahkat mi in a deih khempeuh ngah zo hi.

Paunak 12:24

Mi thanuamte vanglian a, mi thadahte sila suak hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun noteʼ upna hangin na nuntak ziate uh, itna na neih manun nakpi takin na nasepnate uh le i Topa Jesu Khris hong paikik ding lametna na neih manun kip takin na omnate uh ka phawk tawntung uh hi.

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Mattiu 25:26

a topa in, ‘A hoih lo, a thadah nasem pa aw, ka sep loh ka bawl lohnapi ah ka deihlam hong thei na hih leh,

Solomon la 1:8

Nungak khempeuh lakah a ngaihbaang pen nungak aw, a mun thei lo na hi hiam? Tuuhonte zui-in na keelte hong khah inla, tuucingpaʼ puanbuk gei ah hong cing in.

Paunak 2:20

Tua ahih manin mihoihteʼ gamtat bangin na gamta dinga, thuman miteʼ gamtatna na zui ding hi.

Paunak 28:10

A dik tat mi khat siatsak ding a hanciam pa pen ama tawh sa gum sung mahah kia ding hi. A dik mipa in gamh hoih luah dinga, migilo pa in bangmah luah lo ding hi.

Paunak 26:14

Kongkhak pen kawmhek tungah a kiheihei lel bangin mi thadahpa a lupna tungah kiheihei hi.