Hebru 5:8 - Tedim Bible Revision 2017

⁸ Amah, Pasianʼ Tapa hi napi-in a thuakna tawh thumang ahih theih nading a na kisin hi.

Tedim Bible

⁸ Ta taktak ahi napi-in gimna tawlna a thuakna tawh thuman’na a sin hi.

Hebru 5:8 Referans Kwoze

Filippi 2:8

Amah hong kiniamkhiat tawm a, singlamteh tung nangawn ah sih ding a ut hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 15:10

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Johan 6:38

Bang hang hiam cih leh keima ut bangin a sem ding hi loin kei hong sawl paʼ deihna bangin a sem dingin vantung panin a hong pai ka hi hi.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Hebru 1:8

Ahi zongin Tapaʼ thu a gen ciangin Pasian in, “Pasian aw, na kumpi tokhom khang tawntungin kip dinga, thuman thutang tawh na gam sung na uk ding hi.

Hebru 1:5

Bang hang hiam cih leh Pasian in vantungmi khat peuhpeuh tungah, “Ka Tapa na hi hi. Tu ni-in na Pa ka suak hi,” ci ngei lo hi. Tua mah bangin, “Kei, ama Pa ka hi dinga, amah, ka Tapa ahi ding hi,” ci-in zong kampau ngei lo hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Isaiah 53:5

Ahih hangin eiteʼ khialhna hangin amah kiliamsak a, eiteʼ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.