Hebru 5:3 - Tedim Bible Revision 2017

³ Amah zong mi ginalo mi mah ahih manin miteʼ mawhna hangin biakna a pia hi bek loin ama mawhna mahmah hangin zong biakna a pia ahi hi.

Tedim Bible

³ Tua ahih ciangin mite mawhna leh ama mawhna taang dingin biakna a pia hi.

Hebru 5:3 Referans Kwoze

Hebru 9:7

Ahi zongin a dei sung nung sungah Siampi Lianpen pa bek kum khatin khatvei pai a, theih loh man a, amah le miteʼ khialhna hangin ganhing sisan tawh biakpiakna a bawl hi.

Siampi Laibu 9:7

Aaronʼ kiangah, “Topaʼ thupiak sa bangin biakna tau mai ah pai-in khialhna hanga biakna le meihal biakna pia inla, nangma ading le mite adingin kilemna bawl in. Miteʼ biakna paipih inla, amaute adingin kilemna bawlsak in,” a ci hi.

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Siampi Laibu 16:6

Aaron in a mahmah adingin khialhna hanga biakna-in a bawngtal pia-in, amah le a innkuanpihte adingin kilemna bawl ding hi.

Siampi Laibu 16:15

“Tua ciangin amah in mite ading ahi khialhna hanga biakna keel go-in, dalna puan sungah a si paipih dinga, bawngtal si a theh mah bangin a si thehin, hehpihna tokhom tung le hehpihna tokhom mai ah theh ding hi.

1 KORIN MASA 15:3

Kei tungah a hong kihilh a thupi pen note tungah ka hong gen sawn a, tua in: Lai Siangtho sungah a kigelh mah bangin eiteʼ mawhna tang dingin Khris hong si-in

Hebru 10:12

Ahi zongin Khris in mawhna hangin khatvei a piak khit ciangin a tawntung adingin kimang ahih manin Pasianʼ taklam ah tu hithiat a,