Hebru 4:6 - Tedim Bible Revision 2017

⁶ Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawl khat om lai hi.

Tedim Bible

⁶ Tua ahih ciangin mi kimkhat a tum theih ding uh hangin, Lungdamna Thu nidang lai-inah a za mite in a up loh manunah a tum thei kei uh a,

Hebru 4:6 Referans Kwoze

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thu zak uh amaute adingin a phattuamna om lo hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasianʼ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Hebru 4:9

Tua ahih manin tu-a thu om zia ah ci lehang ni sagih ni-in Pasian a tawlngak mah bangin Pasianʼ mite a tawlngak nading om lai hi.

Galati 3:8

Jew mite mah bangin Gentail mite in zong a upna uh hangin amah tawh a kipawl thei dingin Pasian in a bawl nading thu, Lai Siangtho in na ma-theih hi. Tua ahih manin Lai Siangtho in Abraham tungah Lungdamna Thuthak na ma hilh khol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Isaiah 65:15

Keima teel mite in samsiatna-in na min uh zang ding uh a, Topa Pasian in note hong that ding hi. Ahih hangin ama nasemte pen min dang a phuah ding hi.

Gamlak-vakna 14:31

Ahih hangin galte in man ding na cih uh na tate uh, keimah in ka tumpih dinga, note in na thusim loh uh leitang amaute in mu ding uh hi.

Gamlak-vakna 14:12

Pulnatna tawh amaute vat gawpin ka lawn khiakik dinga, amaute sangin a lian zaw a thahat zaw minamin nang kong bawl ding hi,” a ci hi.

1 KORIN MASA 7:29

Sanggamte aw, tua bang ka cih ciangin a kiseh hun hong nai mahmah ta hi, ka cihnopna ahi hi. Tua ahih manin zi neite pen zi nei lo mah bangin kingaihsun uh henla,

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.