Hebru 4:11 - Tedim Bible Revision 2017

¹¹ Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Tedim Bible

¹¹ Tua ahih ciangin Israel mite in thu ngaih lohna lungsim a neih uh ciangin, a kipuk uh bangin, kuamah kipuk loin tua nopsakna sunga tum nadingin hahkat ciat ni.

Hebru 4:11 Referans Kwoze

Hebru 3:18

Thupi takin Pasian kiciamin, “Ka tawlngakna munah hong pai-in, kei tawh tawlnga ngei lo ding uh hi,” a cih ciangin kuate a cihnopna ahi hiam? Amah a lehdote a cihna ahi hi.

Luka 13:24

Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Titu 3:3

Bang hang hiam cih leh eite zong nidangin hai tatin, thumang loin, vakvai-in, duhna deihna a tuamtuamte thuak lahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Kolose 3:6

Ama thu a mang lo mite tungah hih bang gamtatna hangin Pasianʼ hehna hong tung ding hi.

Sawltak 26:19

“Tua bang hi a, kumpi Agrippa aw, ka maangmuhna sunga vantung pan a hong pai paʼ thugen ka mang hi.

Luka 16:16

“Tuiphumpa Johanʼ hun ciang dong Moses Thukham le kamsangteʼ thugente pen zuih belin kinei a, ahi zongin Pasianʼ Ukna hangin Lungdamna Thu a kihilh hun a kipanin hih thu ah mi khempeuh hong kituhteh uh hi.

Mattiu 11:12

Tuiphumpa Johanʼ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahat thu hong ciam uh hi.

Mattiu 7:13

“Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Hebru 4:6

Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawl khat om lai hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh hal tum a, Pasian a um lo miteʼ thuak nading limin a bawl hi.

Joshua 7:3

Amaute Joshua kiangah hong ciahkikin ama kiangah, “Mi khempeuh kuan tosak kei inla, mi tul nih ahi a, tul thum ahi zongin kuan tosakin Ai khua simsak in. Amaute mi tawmno khat ahih manin tua lai ah mi khempeuh gim tosak kei in,” a ci uh hi.