Hebru 3:8 - Tedim Bible Revision 2017

⁸ gamlak ah na om lai-un amah ze-etin, Pasian na lehdo lai hun uh bangin na lungsim uh khauhsak nawn kei un.

Tedim Bible

⁸ gamlakah na om lai-un amah ze-etin, Pasian na lehdo lai hun uh bangin na lungsim uh khauhsak nawn kei un.

Hebru 3:8 Referans Kwoze

Paunak 28:14

Topa a zahtak tawntungte pen mi nuamsa hi a, a lungkhauh mite in lungkhamna tuak ding uh hi.

Paikhiatna 17:7

Israel miteʼ mawh zonna le amaute in Topa ze-etin, “Eiteʼ lakah Topa a om mah ahi hiam?” a cihna hangun, tua mun pen Massah le Meribah, ci-in min kiphuak hi.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Late 78:56

Ahi zongin amaute in Sangpen Pasian ze-etin lehdo uh a, ama thupiakna zui loin,

Late 78:18

Amaute in amauʼ duh mahmah an a kalhna uh tawh amaute in a lungsim sung uh ah Pasian a ze-et uh hi.

Mattiu 13:15

Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

JOB (Job) 9:4

Amah pil mahmah a, vanglian mahmah hi. Kua in khauh takin nial a, nial paisuak zo ahi hiam?

Paikhiatna 8:15

Ahih hangin nopna a omkik lam Faro in a muh ciangin, amah in a lungsim khauhsak a, Topaʼ gen sa bangin amauʼ thu ngai lo hi.

Late 106:14

Ahih hangin amaute in gamlak ah duh luat mahmahna nei uh a, sehnel gam sungah Pasian a ze-et uh hi.

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topaʼ kiang zuankik nuam lo a, zong kisik nuam loin a lung khauhsak hi.

Thu-hilhkikna 6:16

“Massah munah amah na ze-et uh bangin Topa na Pasian uh na ze-et nawn kei ding uh hi.

1 KORIN MASA 10:9

Amaute pawl khat bangin Topa i ze-et kei ding hi. Gul in amaute na tu lum hi.

Sawltak 19:9

Ahi zongin mi pawl khat in kin het loin um nuam lo uh a, mipiʼ zakin Topaʼ thu pai ziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Nehemiah 9:16

“‘Ahi zongin koteʼ pute pate kihisakin lungkhauh uh a, na thupiaknate mang lo uh hi.

1 SAMUEL MASA 6:6

Egypt-te le Faro in a lungsim uh a khauhsak bangin bang hangin na lungsim uh khauhsak ding na hi uh hiam? Amah in amaute a mawlpih khit ciangin amaute in Israel mite paisakin, tua ciangin Israel mite kihem khia uh hi lo ahi hiam?

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amauteʼ lakah ka hih sa limte om napi-in, amaute in bang tanvei hong um lo lailai ding ahi uh hiam?

2 KHANG TANGTHU NIHNATE 30:8

Tu-in na pute na pate uh bangin lungkhauh kei unla, note kiang panin a lauhuai ama hehna a kiheikhiat theih nadingin Topaʼ lamah kipia unla, amah in a tawntung dingin a sianthosak sa a biakinn ah Topa na Pasian uh bia un.

2 KUMPI NIHNATE 17:14

Ahih hangin amaute in a thu ngai lo uh a, Topa a Pasian uh a um lo a pu a pate uh mah bangin lungsim khauh uh hi.

Late 95:8

Amaute in ka nasepna mu khin uh hi napi, Meribah le Massah munah na pate un kei hong ze-etin, gamtatna tawh ka lah ding hong kalh hun lai uh bangin, note in na lungsim uh khauhsak kei un.

Sawltak 7:36

Amah in Egypt gam le San Tuipi ah lim le nalamdangte bawlin, Egypt gam panin Israel mite paikhiatpih a, gamlak ah kum sawm li sung amaute a makaih hi.