Hebru 3:6 - Tedim Bible Revision 2017

⁶ Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Tedim Bible

⁶ Khazih ahih leh, Tapa ahihna tawh innpi uk a, a diktat hi. Eite in lau lohna ahi zongin, lametna tawh kipawl lungdam kisaktheihna ahi zongin, a tawp mateng i let kip leh, tua innpi i hi hi.

Hebru 3:6 Referans Kwoze

2 KORIN NIHNA 6:16

Pasianʼ biakinn le lawkiteʼ milim bangci kilem theih ding ahi hiam? Bang hang hiam cih leh Pasian in, “Ka mite lakah teengin amaute tawh ka om khawm ding hi. Kei pen amauteʼ Pasian ka hi dinga, amaute, keima mi ahi ding uh hi.

1 KORIN MASA 3:16

Note pen Pasianʼ biakinn na hihna uh le note sungah Pasianʼ Kha Siangtho a teeng ahih lamtak na theih sa uh ahi hi.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

Hebru 10:35

Tua ahih manin thaman lianpi a hong ngahsak thei na lungsim hanna uh na khahsuah kei un.

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

1 KORIN MASA 6:19

Na pumpi uh, Pasian in a hong piak, noteʼ sungah a teeng Kha Siangthoʼ biakinn ahih lamtak thei lo na hi uh hiam? Noteʼ pumpi, nomauʼ neihsa hi lo a, Pasian aʼ ahi hi.

Hebru 10:23

Pasian in piak dingin a hong ciam thu muang ngam ihih manin i lametna thu kip takin len ni.

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Mangmuhna 3:11

Keimah ka hong pai baih ding hi. Kuamah in, na ngah ding uh gualzawhna lukhu hong tuh khak loh nadingun na neihsate uh hoihtakin na lenkip un.

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

1 TIMOTI MASA 3:15

Ahi zongin ka hong zekai khak zenzen leh thuman thutak khuampi le bulpi, a nungta Pasianʼ pawlpi ahi Pasianʼ innkuan sungah bangci gamtat ding cih na theih nadingin hih ka hong laikhak in lam hong lak ding hi.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

1 THESALONIKA MASA 5:16

Lungdam tawntungin,

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

Mattiu 24:13

Ahi zongin a bei dongin a thuak zote in hotkhiatna ngah ding uh hi.

Mangmuhna 2:25

Ka hong pai matengin na neihsa teng uh na lenkip ta un.

Mangmuhna 2:18

“Thiatira khua pawlpi vantungmi kiangah lai gelh inla, meikuang tawh a kibang mittang nei-in sumngo kihalsan tawh a kibang khe a nei Pasianʼ Tapaʼ thugen in:

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

ROM (Romans) 11:22

Hih thu ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak uh leh note tungah hong migi mahmah hi. Ahi zongin na zop paisuak kei uh leh note zong hong kisat khia ding hi.

Mattiu 16:18

Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Efesa 3:12

Amah tawh i kipawlna le amah i muanna hangin kimuang takin Pasian kiangah pai theih nading hun i nei hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

Hebru 6:18

Tua hi a, a kikheel thei lo thu nih kithuap ahih manin Pasian in zuaugen thei lo ding hi. Tua hi a, amah a beel eite in eite mai ah hong kikoih lametna thu kip takin i let cip nadingin i tha hong nuamsak hi.

Hebru 7:19

Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

Hebru 10:21

Pasianʼ inn sung a uk siampi lianpen zong i nei hi.

Hebru 11:1

Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

1 PETER MASA 4:17

Tu-in thukhen kipat hun ding hong tung ta-in Pasianʼ mi eite tungah hong kipan ahihleh Pasian kiang panin hong pai Lungdamna Thu a um lo mite adingin bangzahin lungkham huai ding ahi hiam?

Mangmuhna 2:26

A gualzo, a tawp dongin keima deihna bangin a gamta zo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia dinga, leibeel sat khap bangin sik ciangkhut tawh minam dangte sat gawp ding uh hi.

Ezekiel 46:10

Gam uk ulian pa zong mihonte mah tawh lutin, amaute mah tawh pusuak khawm ding hi.