Hebru 2:9 - Tedim Bible Revision 2017

⁹ Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Tedim Bible

⁹ Tu-in ahih leh, vantungmite nuai-ah neukha bek niamkhiatna a thuak mi Zeisu in Pasian’ hehpihna hangin mi khempeuh taang dingin sihna a thuak nading thu sang ahih ciangin, minthan’na leh pahtawina a ngahna thu i thei hi.

Hebru 2:9 Referans Kwoze

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

ROM (Romans) 5:18

Tua hi a, khialhna khat in mi khempeuh tungah thukhenna tungsak ahih mah bangin gamtatna hoih khat mah in mi khempeuh khahin nungtasak hi.

Sawltak 2:33

Amah in Pasianʼ tak lamah omna dongin liatna ngah a, ama tungah Pasian in a ciam sa Kha Siangtho zong a ngah khin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

2 KORIN NIHNA 5:15

Ama hangin a nungtate, amau adingin nungta nawn loin, amauʼ hangin si-in a kihingkiksak pa adingin a nuntak theih nadingun mi khempeuh adingin amah a hong si hi.

Hebru 10:5

Tua ahih manin leitungah Khris hong pai ciangin Pasian kiangah, “Ganhing le khawh sa tawh biakna na deih kei a, nang kong biak nadingin pumpi khat nong vaihawmsak hi.

ROM (Romans) 5:8

Ahi zongin eite mawhna nei ihih laitakin eite adingin Khris hong si ahih manin Pasian in eite hong it mahmahna thu hong lak khin hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 12:32

Leilak panin kei hong kikhai toh ciangin ka kiangah mi khempeuh ka kai ding hi,” a ci hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Hebru 8:3

Pasian tungah letsong a tuamtuamte a pia ding le ganhing tawh biakna a pia dingin siampi lianpen a sem peuhpeuhte a kiseh ahih mah bangin eiteʼ Siampi Lianpen pa in zong bang khat teitei a piak ding kisam hi.

1 TIMOTI MASA 2:6

Mi khempeuh a tan khia dingin tua Jesu hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

ROM (Romans) 8:32

Ama Tapa nangawn siit loin eite khempeuh adingin hong pia khia ahih manin, na dang khempeuh zong hong pia zaw kan ding hi lo ahi hiam?

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Sawltak 3:13

I pupite Abrahamʼ Pasian, Isaacʼ Pasian le Jakobʼ Pasian in a nasem Jesu tungah ama vangliatna a pia hi. Note in aana neite khut sungah tua Jesu na pia uh a, Pilat mangpa in amah khah dingin a ngaihsut khit nangawnin Pilatʼ maitang mahah amah na nial teitei uh hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Johan 10:17

Ka nuntakkik theih nadingin si ngam ka hih manin ka Pa in kei hong it hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Mattiu 16:28

Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mangmuhna 19:12

A mittangte meikuang tawh kibang a, lukhu tampi a khu hi. Amah sim loh kuamah dang in a theih loh min khat ama tungah a kigelh hi.

Hebru 2:7

Ahi zongin vantung mite sangin a neu zaw deuhin na bawl a, minthanna le pahtawina na guan a,

Luka 9:27

Keʼn kong cih in ah, hih lai ah a om mi pawl khatte in Pasianʼ Ukna a muh khit uh matengin si lo ding uh ahihna phawk un,” a ci hi.

Marka 9:1

Tua ciangin Jesu in a thugen zom lai a, “Hih lai-a a om mi pawl khatte a sih ma-in vanglian pi tawh Pasianʼ Ukna hong tung taktak ding ahihna thu phawk un,” a ci hi.

Mattiu 6:28

Bang hangin puansilh ding lunghimawh na hi uh hiam? Gamlak a om paakte a nuntak zia ngaihsun dih un: Amaute in amau adingin na lah sem lo, khau zong kheek lo napi-in,

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Hebru 1:9

Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lian zaw, a lungdamhuai pahtawina nang hong pia hi,” a ci hi.

Hebru 11:5

A upna hang mahin Enok zong sihna tawh kipelh hi. Pasian in ama kiangah la to ahih manin kuamah in Enok mu nawn lo hi. Amah a kilaktoh ma-in Enok in Pasianʼ lungkimna ngah hi, ci-in Lai Siangtho in a na gen hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.