Hebru 13:6 - Tedim Bible Revision 2017

⁶ Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

Tedim Bible

⁶ Tua ahih ciangin: “Topa in kei hong huhpa hi a, ka lau kei ding hi. Mite in kei tungah bang hong cih thei ding ahi uh hiam?” ci-in kimuan’na lungsim tawh i gen thei hi.

Hebru 13:6 Referans Kwoze

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Late 124:8

Vanlelei a bawl Topaʼ tung panin eite huhna hong pai hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

Late 56:4

A thu ka phat Pasianʼ sungah, lunghihmawhna khat zong nei het loin Pasian ka muang hi. Mihing ahi lelte in kei, bang hong cih zo ding ahi hiam?

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Late 54:4

Pasian, kei hong huhpa hi a, Topa, kei hong hupa ahi hi.

Late 33:20

Topa i ngak hi; amah pen eite hong huhpa le i lum ahi hi.

Late 63:7

Bang hang hiam cih leh kei a hong huhpa na hi a, nangma hutna sungah lungdamin la ka sa hi.

Late 94:17

Topa in kei hong huh lo hileh, gam khing sungah ka tung khinta ding hi.

Late 40:17

Kei ka hih leh zawngin ka cimawh a, ahih hangin Topa in kei hong mangngilh lo hi. Nang pen kei hong huhpa le hong hon khia pa na hi hi. Zekai kei in, ka Pasian aw.

Piancilna 15:1

Hih thute khit ciangin mang sungah Topaʼ thu Abramʼ tungah hong tunga, “Abram aw, lau kei in. Keimah in lauhuaina panin nang ka hong hu dinga, na thaman lian mahmah ding hi,” a ci hi.

Efesa 3:12

Amah tawh i kipawlna le amah i muanna hangin kimuang takin Pasian kiangah pai theih nading hun i nei hi.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Late 27:9

Kei kiang panin na maitang seel kei in. Hehpihna tawh na nasem pa hong hawl khia kei in; kei hong nei pa na hi hi. Hong paai khia kei inla, hong nusia kei in, kei hong hon khia Pasian aw.

Late 146:3

Huhna a hong pia thei lo uliante ahi a, mi mawkmawkte ahi zongin muang kei un.

Thu-hilhkikna 33:26

“Israel aw, nangmah huh dingin vantungah a tuang a liatna tawh vanpi ah a om, Pasian tawh a kibang kuamah dang om lo hi.

Paikhiatna 18:4

A dang khat min Eliezer ahi hi. (Bang hang hiam cih leh amah in, “Ka paʼ Pasian pen keimah hong huhpa hi a, Faroʼ thah nading panin kei hong hon khia hi,” ci hi.)

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

1 SAMUEL MASA 23:17

Amah in David kiangah, “Lau kei in; bang hang hiam cih leh ka pa Saul in nang hong su kha lo ding hi. Nang pen Israel-te tungah kumpi na hi dinga, kei pen nangma zom ka hi ding hi; ka pa Saul in zong hih thu thei hi,” a ci hi.

1 KUMPI MASATE 17:8

Tua ciangin Elijah kiangah Topaʼ thu hong tunga,