Hebru 13:20 - Tedim Bible Revision 2017

²⁰ Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

Tedim Bible

²⁰ A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Hebru 13:20 Referans Kwoze

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Late 23:1

Topa pen tuucin bangin hong cing hi a, kisapna teng kicing ta hi.

ROM (Romans) 15:33

Nopsakna a hong pia Pasian in note khempeuh hong ompih tahen. Amen.

Ezekiel 37:26

Amaute lungmuangin a om tawntungna ding uh thuciamna khat ka bawl dinga, amaute thupha pia-in a mi ka pungsak ding hi. Amauteʼ lakah a om tawntung dingin ka biakinnpi ka phut ding hi.

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia henla, amah in note khempeuh hong ompih tahen.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Zekhariah 9:11

Sisan tawh a kikipsak, note tawh ka thuciamna hangin na salsuahna uh keugaw gam panin note ka hong suaktasak ding hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Paikhiatna 24:8

Tua ciangin Moses in sisan la-in miteʼ tungah theh a, “Hih thute khempeuh tawh kizui-in Topa in note tawh a bawl sa thuciamna sisan en un,” a ci hi.

1 PETER MASA 2:25

Note, tuu bangin a gammang na hi uh a, ahi zongin noteʼ kha nuntakna hong Cingin hong Kem pa a zui dingin a hong kiciahpihkik khin na hi uh hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Sawltak 3:15

Tua ahih ciangin mite tungah nuntakna a pia pa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Isaiah 63:11

Tua ciangin amaute in hun lui lai, ama nasem Mosesʼ hun a phawk uh hi. Ama mi a makaite hon khia-in, tuipi sung panin a paikhiatpih Topa koi ah om ta ahi hiam? Amauteʼ tungah ama kha a pia pa,

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

Kolose 2:12

Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtak nading uh lungsim ka guan ding hi.

1 KHANG TANGTHU MASATE 16:17

Jakob tungah thu ciamin, amah in a kipsak, Israel tungah tawntung thuciamna-in a kipsak,

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Hebru 9:20

“Pasian in note tungah a hong piak thuciamna sisan ahi hi,” a ci hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.

Filippi 4:9

Keima genna le ka gamtatna panin thei-in na san uh thute, nomau pumpi mahmah tawh na zui un. Tua hileh nopsakna a hong pia thei Pasian in note hong ompih ding hi.

ROM (Romans) 8:11

Sihna panin Jesu a thokiksak Pasianʼ Kha Siangtho note sungah hong om leh sihna panin Khris a hingkiksak pa mah in note sungah a om ama Kha Siangtho mah tawh a si thei pumpi a hong nungtasak ding hi.

Sawltak 5:30

Note in singlamteh tungah Jesu khai-in na thah khit uh ciangin i pu i pateʼ Pasian in sihna panin amah hingkiksak khinzo hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

Ezekiel 34:23

Amaute a cing dingin ka nasem pa David ka koih dinga, amah in amaute hoihtakin an vakin a kem ding hi.

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hi lo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hi lo ahi hiam?

Galati 1:1

Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

2 KORIN NIHNA 4:14

Topa Jesu a hingkiksak pa in Jesu mah tawh kote zong hong hingkiksak khawmin note tawh ama omna ah hong paipih khawm ding hi, ci-in ka thei uh hi.

1 KORIN MASA 15:15

Tua bek zong hi lo lai-in, misite a kihingkiksak lo ding hileh Pasian in Khris hingkiksak hi, ci-in teci pang ka hih manun, mite kiangah Pasianʼ thu a man lopi-in a gen ka suak ding uh hi.

1 KORIN MASA 6:14

Pasian in sihna panin Topa thokiksak hi. Tua mah bangin eite zong ama vangliatna tawh hong thokiksak ding hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Sawltak 13:30

Ahi zongin Pasian in sihna panin amah hingkiksak a,

Sawltak 2:32

Pasian in sihna panin hih Jesu hingkiksak a, kote khempeuh pen hih thu a thei teci vive ka hi uh hi.

Luka 22:20

Tua mah bangin an a nek khit uh ciangin amaute tungah hai pia a, “Hih leenggahzu pen note adingin a luang khia, Pasianʼ thuciamna thak a kipsak ka sisan ahi hi.

Marka 14:24

Tua ciangin amaute kiangah, “Hih pen mi tampite adingin a luang, thuciamna thak a kipsak keima sisan ahi hi.

Ezekiel 37:24

Ka nasem pa David pen amauteʼ kumpi hi dinga, mi khatʼ ukna nuai ah amaute kigawmin, ka thukhamte hoihtakin zui ding uh hi.

Isaiah 61:8

Bang hang hiam cih leh keimah Topa in thutang deihin, miʼ nate suhna le khialhna ka mudah hi. Amaute tungah amauʼ thaman thuman takin ka pia dinga, tawntung thuciamna amaute tawh ka bawl ding hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

ROM (Romans) 1:4

Kha Siangtho thu lamsang ah ci lehang misite lak panin vangliatna tawh a thawhsakkikna hangin Pasianʼ Tapa ahihna thu Pasian in a kilangsak hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesu Khris min vangliatna tawh hih mipa a ci damin hih lai ah ding ahihna thu, note le Israel mi khempeuh in na theih dingun a kilawm thu khat ahi hi.

Late 80:1

Tuu hon bangin Josef a paipih, Israel Tuucingpa aw, ngai in! Kherub tungah a tupa aw,

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.