Hebru 13:2 - Tedim Bible Revision 2017

² Khual mite hoihtakin zin na do ding uh na phawk un. Mi pawl khat in vantung mite zin do ahih lam a phawk lopi-in a do na hi gige uh hi.

Tedim Bible

² Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Hebru 13:2 Referans Kwoze

Mattiu 25:35

Bang hang hiam cih leh ka gilkial laitakin an nong pia uh a, ka dangtak laitakin tui nong pia uh a, khualmi ka hih laitakin zin nong do uh a,

Piancilna 18:1

Mamre tawsaw gei-a Abraham a omna ah Topa hong kilang hi. Abraham a puanbuk kong gei ah sun nisat laitakin tu-in a om laitakin

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hi ta un.

1 PETER MASA 4:9

Khatlekhat maitai takin zinleleeng na kido un.

Mattiu 25:43

khualmi ka hih laitakin zin nong do kei uh a, puan ka neih loh laitakin puan nong guan kei uh a, ka cinat laitakin nong veh kei uh a, ka thongkiat laitakin nong hawh kei uh hi,’ a ci ding hi.

Titu 1:8

zinleleeng do a siam mi, thuhoih a deih mi, a pumpi a ki-uk zo mi, a thutang mi, a siangtho mi le a kisek zo mi hi ding uh hi.

JOB (Job) 31:32

Khualzin mi khempeuh ka inn ah ka tungsak tawntung a, kongzing lakah amaute ka lumsak ngei kei hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

ROM (Romans) 16:23

Keima zintunna pa le pawlpiteʼ kikhopna inn nei pa zong ahi Gaias in zong hong hopih hi. Ka omna khuapi sumkem pa Erastas le i Khristian sanggam Kuartas in zong hong hopih uh hi.

Isaiah 58:7

Na an uh a gilkialte tawh nekhawm unla, inn nei lo a zawngte na inn sung uh ah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

Sawltak 16:15

Amah le a inn sunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak uh leh hong pai unla, ka inn ah hong tung un,” ci-in hong samin a hong zol hi.

JOB (Job) 31:19

“Mi a cimawh, puan silh ding a lei zo lo, a zawng lua ka muh ciangin,

2 KUMPI NIHNATE 4:8

Ni khat Shunem ah Elisha paisuak a, tua lai ah a hau numei khat teengin tua nu in an ne dingin amah a sam hi. Tua ahih ciangin amah in tua lam a nawk peuhpeuh ciangin an ne dingin tua lai ah baang zel hi.

Piancilna 19:1

vantungmi nihte Sodom ah nitakin hong tunga, Sodom khuakulh kongpi ah Lot na tu hi. Lot in amaute a muh ciangin, amaute a dawn dingin dinga, leilak ah a mai ngatin kun a,

3 JOHAN THUMNA 1:5

Ka hong it lawm Gaias aw, na theih ngei loh hi napi-in i Khristian mipihte lungsim takpi tawh na na huh hi.