Hebru 13:17 - Tedim Bible Revision 2017

¹⁷ Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Tedim Bible

¹⁷ No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Hebru 13:17 Referans Kwoze

1 TIMOTI MASA 5:17

Pawlpi sungah ukna le makaihna siamin, thuhilh le thugen hahkat tawh a thuah upate pen thaman a zah nih piak dingin kilawm hi.

Hebru 13:7

Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

1 PETER MASA 5:5

Tua mah bangin no khangno zaw deuhte in zong a khanghamteʼ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

1 KORIN MASA 16:16

Tua bang mite le amaute tawh tua bangmahin na a sem khawm miteʼ thu na man nadingun kong thum hi.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Paikhiatna 32:31

Tua ahih ciangin Topaʼ kiangah Moses paikikin, “Ala! hih mite in khialhna lianpi khat bawl khin uh a, amaute in amau adingin kham pasian khat bawl khin uh hi.

Filippi 2:29

Khris nasepna ah note in pumpi tawh na hong huhkim theih loh manun noteʼ tangin amah in kei a hong huh manin a nuntakna hong pia-in sih lawh dektak hi. Tua ahih manin hih bang mite na zahtak bawl mahmah unla, Topaʼ nasem taktak hi, ci-in lungdam takin na limbawl un.

ROM (Romans) 14:12

Tua ahih manin a kuamah peuh in i gamtatna ciat Pasianʼ mai ah a va kigen tel ciat ding ihi hi.

2 THESALONIKA NIHNA 3:14

Hih lai sunga ka hong gente uh a zui nuam lo mi khatpeuh a om leh tua mipa limtakin ciamteh unla, amah a maizum theih nadingin kikholh pih nawn kei un.

Hebru 13:24

Na makaite uh le Pasianʼ mi khempeuh na hopihsak un. Italy gam panin a hong pai mite in note hong hopih uh hi.

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung miteʼ phat dingin a bawlkik matengin amaute khawl lo ding uh hi.

Filippi 4:1

Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Filippi 3:18

Singlamteh tungah Khris a sihna thu tawh a kilehngatin a nungta mi tampi tak a omna thu, a beisa hunah tam veipi ka hong gen khin a, tu-in zong khitui tawh ka hong genpha kikkik hi.

Jeim 4:7

Tua ahih manin Pasianʼ thu na mang un. Dawimangpa na nial un. Nial le-uhcin no kiang panin tai khia ding hi.

Filippi 1:4

Note in lungdamna thu na zak ni uh a kipanin tu ni ciang dong, lungdamna thuhilh nasepna ah kei na hong huhna uh hangin ka nuam mahmah a, note adingin thu ka nget simin lungdam mahmahna tawh ka ngen tawntung hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Paunak 5:13

Kei hong hilh siateʼ thu ka mang nuam kei a, amauʼ hong hilhnate ka don kei kha hi.

1 SAMUEL MASA 8:19

Ahih hangin mite in Samuelʼ thu ngai nuam lo uh hi. Amaute in, “Hi lo! Koteʼ tungah kumpi khat ka nei ding uh hi.

Piancilna 16:9

Tua ciangin Topaʼ vantungmi in ama kiangah, “Na tonuʼ kiangah ciahkik inla, ama tungah ki-ap in,” a ci hi.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khris hong paikik ni ciangin kei ka kisial thei ding hi.

Efesa 5:21

Khris na zahtakna uh hangin na thu uh na kimang tuak un.

Ezekiel 33:2

“Mihing ahi Ezekiel aw, gam khatpeuh ah gal ka tunsak ciangin a thupiang teng na mipihte tungah gen in. Tua gal tun nading gam mite in amaute lak panin galvil dingin mi khat seh uh hi.